Стојкова – Серафимовска: Здравјето за сите граѓани е исто и сите сме подеднакво засегнати од загадувањето

You must need to login..!

Опис

На иницијатива и во организација на граѓанското здружение „О2 Иницијатива“, формирана е интерпартиската парламентарна група, која како цел ќе ја има заштитата на природата и борба против загадувањето и климатските промени.

Во парламентарната група се вклучија 39 пратеници од новиот состав во Собранието. Тие припаѓаат на девет политички партии.

За заменик координаторка беше избрана Велика Стојкова-Серафимовска од редовите на ВМРО-ДПМНЕ.

Здравјето за сите граѓани е исто и сите граѓани подеднакво се засегнати од загадувањето. И во минатото имаше вакви магли во Скопје и Македонија, но ова што се случува минативе години е алармантно, изјави во Утрински брифинг Велика Стојкова-Серафимовска.

Она што наша ингеренција како пратеници е да се предложат промени на закони и во таа насока предложено беше да се разговара за измени во Законот за прекршоцви, бидејќи станува збор за многу мали казни, глоби, особени на оние кои што се однесуваат на големите загадувачи. За наша среќа Владата имала слух за тоа, па очекуваме во Собранието да стигне и предлог закон за изменување на Закон за прекршоци каде што ќе се зголеми глобата за 20 пати, изјави Стојкова-Серафимовска.

Целиот разговор со Велика Стојкова-Серафимовска погледнете го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

eighteen − three =