Стефковски: Во мојот мандат нема да дозволам отворање на нови капацитети за загадувачка индуструја

You must need to login..!

Опис

Подобрувањето на хигиената во општина Гази Баба е појдовната точка од каде што градоначалникот Бобан Стефковски го започна четиригодишното раководење на Општината. Тој денеска во Утрински брифинг рече дека веќе е во тек и асфалтирањето на повеќе улици, како и обезбедување на чиста вода за пиење во дел од руралниот дел на општината.

  • Организиравме еколошка акција, која се уште трае. Расчистивме повеќе од 16 диви депонии, почнавме проект за раззеленување на општината и во соработка со неколку општествено одговорни компании спроведовме неколку еколошки акции и засадивме над 300 садници, Започнавме и со капитални проекти. Во населеното место Страчинци започнавме со изградба на фекална канализација, како и втора фаза од изградба на канализација во населеното место Гоце Делчев, а асфалтиравме и повеќе улици во Трубарево, Хиподром, Булачани. Поднесовме апликација и за финансиска поддршка за изградба на детска градинка во населба Кирамидница, рече Стефковски.

Тој вели дека нема да се отворат капацитети за хемиски отпад на територија на Гази Баба.

  • Уште во првата недела од мојот мандат, заедно со стучните служби направивме ревизија на проектот за отворање на хемиски отпад. По извршената ревизија на постапката и процедурата донесов решение со кое се стопираше изградбата. Можам слободно да кажам, граѓаните да бидат спокојни, додека сум јас градоначалник нема да дозволам отворање на нови индустриски капацитети со загадувачка индустрија на територијата на Гази Баба. Раскинувањето на договорот нема да создаде фискални импликации по однос на буџетот на општината, бидејќи проектите беа поминати на совет, но договор со компанијата се уште не беше склучен, односно постапката беше навремено прекината објаснува Стефковски.

Тој алармира дека веќе се појавуваат застои и пречки во работењето како последица не недоволната соработка со централната власт.

  • Се соочуваме со опасност да ги затвориме групите во клонот Пеперутка во Стајковци. Иако градинката 25 Мај, има поднесено барање до Министерството за труд и социјална политика за одобрување на вработувања на негователки и воспитувачки, се уште немаме позитивен одговор, а платите на вработените ги обезбедува општината. Се работи за голем трошок кој наместо да се намени за подобрување на инфраструктурата, се наменува за плати за вработени, што е единствен ваков случај. Ако Министерството продолжи да ги игнорира нашите барања, ние ќе ја затвориме градинката, а децата ќе останат дома, предупредува градоначалникот.

Целото интервју поглeднете го во продолжение.

Напишете коментар

Вашата адреса за е-пошта нема да биде објавена.

12 + 17 =