Стефановски: Барањата на Софија го рушат кредибилитетот на ЕУ – Унијата да направи притисок врз Бугарија

You must need to login..!

Опис

Во однос на изјавата на премиерот потребна е поголема малку поголема транспарентност, бидејќи кога се преговара за иднината на сите граѓани во оваа држава убаво е јавноста да знае за што се преговара, до каде се преговара, а уште поважно е за тоа да бидат известени државните институции, конкретно Собранието. Ние како организација уште пред 2-3 години апелиравме дека процесите поврзани со евроинтегративниот процес да се префрлат во Собранието и таму да се одлучува за нашата судбина, изјави во Утрински брифинг проф. д-р Иван Стефановски директор на „Евротинк“.

Бугарската позиција за многумина е нејасна. Потенцијалните причини може да ги лоцираме на две места. Или ексклузивно внатрешно-политичко прашање во пресрет на претстојните парламентарни избори и земјќи го предвид контекстот и коалицијата на власт тоа и не е неочекувано. Но доколку е само внатрешно-политичко прашање тоа е подобро за нас, бидејќи мислам дека останатите европски и светски сили ќе можат да направат дополнителен притисок за тоа да се реши, а верувам дека многумина претставници на овие земји сериозно работат на омекнување на овие ставови, бидејќи со нив Бугарија прави еден поголем проблем на целиот регион и една европска приказна. Доколку пак бугарските ставови се дел од некакво надворешно влијание, реално е да се претпостави дека тоа донекаде е руска игра. По нашето влегување во НАТО имаше една изјаво од Лвров, каде буквално рече „Ќе ви вратиме“. И доколку тоа е така, Америка и нејзината дипломатија чувствуваат потреба да се вклучат во овој процес, вели Стефановски.

Кога зад проширувањето ќе застанат и изградат консензуз, Германија, Франција, Холандија највијателни земји членки, малку е тешко кога сте Бугарија да одите контра. Мислам дека бугарската страна малку се преигра, бидејќи Бугарија и Грција не се исто. Грчките позиции колку и да беа тврди , беа конзистентни и опстојуваа од раните деведесети години на некоја јасна линија. Она што го прави Бугарија е инцидентно свртување во десно, вели Стефановски.

Групата на македонски и бугарски интелектуалци е многу активна посебно на социјалните мрежи, но и во повикот до надворешните субјекти кои се информирани за либералните политики и како треба да се постапи во овој случај. Добро е што има разум, либарелен наратив, особено кај бугарската страна. Тоа радува и мислам дека помага на процесот, смета Стефановски.

Целиот разговор со проф. д-р Иван Стефановски директор на „Евротинк“ погледнете го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

two × one =