Старова: Потребна е поголема вклученост на жените во општеството, покажа студијата на Фондацијата „Фридрих Еберт“

You must need to login..!

Опис

Во македонското општество постои потреба за сеопфатна студија која ќе ја измери, опише и објасни позиционираноста на жените во однос на семејството, вредностите, образованието, вработувањето, политиката, безбедноста како и грижата за здравјето, со таа цел Фондацијата „Фридрих Еберт“ спроведе интердисциплинарно, национално истражување за жените во Република Северна Македонија 2020/2021 година.

„Според резултатите, жените, за жал се стремат кон родова еднаквост само на когнитивно ниво и може да се каже дека го перцепираат македонското општество како патријахално, каде традицијата е многу важна и општоприфатена, но секоја од жените на некој начин се труди да се избори за своите права. За жал, нашите резултати уште еднаш потврдуваат дека жените во голема мера ја прифаќаат оваа трдиционална и патријахална родова поделба, бидејќи се’ уште најголемиот дел од времето го поминуваат во рамки на семејството што е голема пречка за каква било партиципација во другите општествени сфери.

Во делот на учеството во политиката може да се забележи одреден напредок во однос на родовата еднаквост во земјата, меѓутоа се’ уште има значителен простор за подобрување, ако се земе предвид и тоа што македонската демократија е прилично млада и неконсолидирана и дека генерално постои многу ниско ниво на партиципативна култура и тоа се одразува и кај жените. Според истражувањето, генералното доживување на жените е дека не се доволно претставени во политиката на ниту едно ниво, ниту национално, ниту локално, но истовремено има и многу висок степен на отсуство на интерес за политичко учество кај жените. Притоа, тие се малку запознаени со законските решенија за задолжителните квоти, со платформата 50-50, значи има многу ниско ниво на информираност што се должи веројатно и на нивната незаинтересираност за политиката.

Меѓутоа, во голем процент се подготвени да поддржат жени кандидати за високи политички раководни функции, како премиер, претседател, но највисок е процентот на поддрѓка за жени градоначалнички. А моментално бројот на градоначалнички е многу низок и ова е еден вид апел до политичките партии за кандидирањето на жени за градоначалници бидејќи се покажува дека би биле поддржани од жените“, вели за Утрински брифинг, Нита Старова, координатор на програма во Фондацијата „Фридрих Еберт“.

Напишете коментар

Вашата адреса за е-пошта нема да биде објавена. Задолжителните полиња се означени со *

5 + 12 =