Срѓан Јаниќијевиќ: „Енциклопедија на мртвите“ е претстава која предупредува што може да ни се случи

You must need to login..!

Опис

Новата претстава на режисерот Срѓан Јаниќијевиќ, „Енциклопедија на мртвите, според лавиринтите на Данило Киш“, која премиерно беше изведена на 25 мај, може да се гледа исклучиво онлајн во реално време.

Претставата е во продукција на Културно – информативниот центар на Србите во Р.С. Макдонија, со поддршка на Министерството за култура. „Беше голем предизвик да се направи претставата, со оглед дека на тоа дека зависевме од тоа каква интернет врска ќе имаме и по неколку месеци, првпат вчера се видовме со актерите во живо. Целата претстава ја работевме во живо, тоа беше и поради кризата и мерките, а и концептот беше да видиме што ќе се случи ако мора така да се прави театар. Не зборувам за конкретнава ситуација, туку за некоја фиктивна, за да влеземе во тој систем на работа и да испитаме дали целиот процес може да се истера на тој начин и да излеземе со премиера, иако не сме се виделе. Дали воопшто може да се пренесе енергијата, индикациите, концептот. Од самиот почеток бев уверен дека барем за мене ќе биде неповторливо и позитивно искуство, а кога се сретнавме со глумците видов дека и од нивна страна е исто. Претставата ми стоеше две години и сакав да биде рез со се’ она што сум го работел досега, бидејќи цело време сакам да имам нов предизвик. Во претставата нема отстапување од тоа што сум го замислил како концепт, потоа се случи пандемијата, а ова време само ги изостри тие проблеми, кои пред две години, сум ги чувствувал како голема мака. Мислам дека и самата книга на Киш го содржи тоа чувство.

Да се преведе Киш во театар е прилично тешко, а особено оваа книга, но мислам дека ја пренесовме на еден наш начин и во современ контекст. Во претставата се мешаат вистината и фикцијата и повеќе ја гледам како предупредување за тоа што може да ни се случи, на почетокот гледаме актери кои се подготвени да загинат за подобар свет, а потоа тоа се менува. Претставата повеќе ја гледам како паралелна димензија“, вели за Утрински брифинг, режисерот Срѓан Јаниќијевиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

nineteen − 10 =