Србиновски: Ако се спојат конфликтите во Тајван и Украина тоа ќе биде голем минус за меѓународната заедница

You must need to login..!

Опис

За тоа то се случуваше викедот во Украина и најновите вести оттаму како и што е она што може да се очекува во текот на денешниот ден кој се оценува како клучен за позиционирање на руските сили, во Утрински брифинг поразговаравме со колегите Дејан Андоновиќ и Александар Србиновски.

-За денес се најавени преговори меѓу украинската и руската страна на раницата на Белорусија, но зошто би преговарале сега кога ако моеа да се разберат немаше да започне војна, вели новинарот и аналитичар Дејан Андоновиќ за Утрински брифинг.

Претпоставките беа дека нападот од Русија ќе биде блиц-криг, но гледаме дека не се случува така, руската војска нема освоено ниеден град.

-Настаните добиваат нов колосек од минута во минута и се менуваат. На почетокот од инвазијата добивавме информации за заземени објекти, но потоа се промени реториката. И луѓето кои живеат во близина на границата со Русија, дадоа отпор, вели Србиновски.

Србиновски вели дека сѐ што досега видовме се поврзува со изјавата на рускиот претседател дека сака демилитаризација на Украина. Тоа го заклучува според начинот на навлегување во Украина со тенкови, но не е употребено потешко, ракетно оружје.

Голема колона тенкови и оклопни возила оди кон Киев, како што може да се види од сателитските снимки. Очигледно е дека Русија има проблем со логистиката, заклучуваат аналитичарите.

Украинските разузнавачи сметаат дека Белорусија се подготвува за војна, но поголем дел од регионот нема да ѝ пружи поддршка на Русија.

-Но, ништо поразлично од Русија, Кина изврши агресија на некои острови околу Тајван каде што е лоцирано производството на чипови, вели Србиновски.

Засега не се гледа некоја конкретна американска помош за Украина, па оттука дали е можно сценарио Кина да интервенира врз Тајван со тоа што ќе ја искористи ситуацијата.

-Сѐ е возможно. Ако се спојат конфликтите во Тајван и Украина тоа ќе биде голем минус за меѓународната заедница, вели Србиновски.

Но, руската економија несомнено ќе страда, со оглед на тоа што половина од државните средства во странски банки се замрзнати, а рубљата за еден ден падна за 30 отсто.

Проследете го целиот разговор во видеото

Напишете коментар

Вашата адреса за е-пошта нема да биде објавена.

five × three =