Спремна ли е Македонија да се справи со Корона, вирусот тропа на македонските порти – интервју со министерот Филипче

You must need to login..!

Опис

Корона вирусот дојде во Европа. Спремна ли е Македонија да се носи со медицинскиот предизвик кој што го претставува Корона вирусот во смисла на здравствениот предизвик со вирусот.

СЗО излезе со соопштение дека останува уште еден мал прозорец за да може да се интервенира ова да не стане глобална пандемија.

Но вирусот продолжува да се шири особено во Јужна Кореја, сега и во Италија, каде што неколку градови се затворени.

Повеќе прашање на време е кога ќе се прошири и пошироко во Европа отколку дали ќе се прошири.

Што е следната фаза доколку во Македонија се покаже и прв позитивен случај на вирусот? Спремна ли е држава да се справи со овој глобален проблем? На оваа тема за Утрински брифинг говореше министерот за здравство Венко Филипче.

-Во овој момент се презема се она што треба да се преземе во однос на превенција и рано пронаоѓање на евентуално патници кои што доаѓаат.

Оние кои што биле во контакт со заразени лица.

Било да тоа биле наши патници или странци кои што биле во Кина или во некое друго место, еве во Европа, со оглед на овие последни случаи во северна Италија, изјави во Утрински брифинг мистерот за здравство Венко Филипче.

Ние во континуитет веќе после првиот аларм од СЗО, целосно го организиравме системот да работи на превенција односно на рано откривање токму на тие патници.

Имаме контакт со апсолутно сите авиокомпании кои што не известуваат доколу има патници од Кина. Понатаму со Кинеската амбасада, лично амбасадорот не известува за сите патници кои што доаѓаат од таму.

Така беше кога дојдоа двајца најавени инжињери од компанијата „Сино Хидро“ кои што тука работат, вели Филипче.

Имаме уште некоја група која доаѓа во текот на следната недела. Македонија е спремна да ја дочекаме.

Кина презеде сериозни мерки за заштита. Секој патник кој што излегува од еден поширок регион на Хубеи, практично е во карантин 14 дена пред да ја напушти земјата.

Така беше и со овие два случаи.

Дополнително на тоа се организираше здравствен надзор за уште две недели, непосредно после доаѓањето во нашата земја,

Во меѓувреме ние направивме тест при самиот влез и тие беа негативни на Корона вирусот.

Сакам да кажам дека ги преземаме сите мерки на внимателност. Пристапуваме со највисоко ниво на сериозност кон ова прашање. Сето ова е бидејќи нови информации за вирусот излегуваат практично цело време.

Би укажал на неколку работи. Прво бројот на заболоени во Кина почнува да се намалува. Тоа е еден добар знак. Но не е гаранција дека бројот на заболени што ќе се откриваат ширум Европа заради контактите меѓу патниците, линиите на комуникација исто така ќе се намалува.

Спремни сме доколку добиеме информации и за нови заболени во Европа, вели министерот за здравство Венко Филипче.

Напишете коментар

Вашата адреса за е-пошта нема да биде објавена. Задолжителните полиња се означени со *

16 + 4 =