Смаиловиќ: И државата, институциите, но и жените мора посериозно да се борат против дискриминацијата

You must need to login..!

Опис

По повод Меѓународниот ден на жените во науката, на Мерсиха Смаиловиќ, активистка за човекови права, Мрежата за жените во науката (Rrjeti i Grave në Shkencë – RRGSH) и’ додели признание за нејзиниот придонес во граѓанскиот сектор преку поттикот на жените и девојките во промовирањето на позитивните вредности и поттикнувањето на образованието и едукацијата.

„Драго ми е што прв пат кај нас се одбележа овој ден, под покровителство на Елизабета Ѓоргиевска, сопругата на претседателот, се одржа конференција на која жените во науката говореа за предизвиците со кои се соочуваат и од прва рака имав прилика да слушнам од прва рака за проблемите на жените научнички од различни генерации. Тоа што го слушнав дефинитивно ми даде уште поголем мотив да работам уште поеќе девојки да се вклучат во науката. На конференцијата се чувствуваше ѓенската поддршка за која се застапувам, пристуствуваше и проректорката на УКИМ која рече дека овој најстар Универзитет во својата историја имал само една ректорка. Таа слика се повторува и во други институции. Исто така жените научнички говорат за лимитираноста на жемните во научно истражувачките дејности заради бавноста на процедурите, недоволните средства за научно истражувачка работа. Имам впечаток дека Мрежата на жените во науката не е насочена кон одредена националност, или универзитет или гранка во науката што ми дава чувство дека тие навистина ќе работат солидарно и хумано“, вели за Утрински брифинг Мерсиха Смаиловиќ.

Македонија е една од земјите лидери по застапеноста на жените во науката со околу 52 отсто наспроти Холандија, на пример, со окоу 25 отсто жени во науката.

„Добро е што излегоа овие податоци зашто кај нас секогаш јавноста го поставува прашањето на компетенција. Дали ако сте на некоја позиција дали имате доволно знаење, па дури се коментира и физичкиот изглед. Овие податоци покажуваат дека жените постудиозно им приоѓаат на работите во нашето општество. Овој графикон ни покаѓува дека жените многу посериозно ги сфаќаат проблемите и се покажува дека во нашата држава има повеќе жени научници, имаат компетенции, но ги немаат истите можности. За жал, ние се’ уште сме едно патријахално општество каде жената врз свои плеќи ја ности и ибврската за грижата за поширокото семејство“, вели Смаиловиќ

Повеќе од разговорот погледнете во видеото.

Напишете коментар

Вашата адреса за е-пошта нема да биде објавена.

three × 4 =