Слободан Унковски: Ова што се случува во Украина е страшно!

You must need to login..!

Опис

Заедно со украинската криза се појави една паралелна тема која можеби може да се квалификува како пандемија на русофобија во Европа, при што уметници од Русија треба да се откаат јавно од руската политика и нејзините постапки, односно да се дистанцираат оти во спротивно им се откажуваат настапите.

-Ова не е нешто со што можам да се сложам, со такво генерализирање. Одлуката за бојкотирање на сѐ што е руско очигледно е донесено на некое високо политичко ниво, кое не е владино, можеби стои НАТО, а еве се одразува и кај нас. Ако видите дека со сите закани во Петерсбург излегуваат луѓе на протест тоа покажува дека нема една Русија, едно мислење. Има мерка колку уметниците можат да бидат активни кога се активни топовите. Мислам дека треба да се покаже мерка и слух и таквите решенија за мерки кон уметниците не треба да ги носат државите, вели за Утрински брифинг проф. Слободан Унковски.

Унковски вели дека има чуство оти станува збор за одлука, а можеби е во прашање и општата атмосфера.

-Верувам дека може да се направи дистанца помеѓу уметноста и политичката активност на уметниците. Комплексна е уметноста на врвните уметници, особено ако се самостојни. Војната во Украина е толку страшна што сите треба да се дистанцираат. Нормалните луѓе сѐ ќе направат да се дистанцираат од ова што го прави врхушката на Русија, а не мислам дека е желба на рускиот народ, вели Унковски.

Унковски вели дека има моменти кога навистина е важен ставот, но кога уметниците биле поканети да работат на Запад никој не ги прашал каков им е личниот однос со Путин. Од друга страна и политичарите знаат да ги злоупотребат уметниците. Затоа треба да се каже ставот, вели Унковски.

Тој додава дека решенијата за брзи забрани на уметници, кои не подбуцнуваат војна, не е во ред оти не може да се негира една цела култура. Културата дава надеж, прави комуникација и ако се заградиме од сѐ што е руска култура сите губиме, тоа е нецивилизациски исто како што и војната е нецивилизациска. Згрозен сум што Русија си го дозволува ова, вели Унковски.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

5 × 2 =