Славчо најавува снег и значителен пад на температурите

image

You must need to login..!

Опис

Во текот на денешниот ден времето во Македонија ќе биде облачно со повремени врнежи од дожд и снег на повисоките места и на планините. Поради продор на студена воздушна маса од север од пладневните часови па натаму врнежи од снег ќе има во поголем дел од државава па снежна покривка ќе се формира и на некои пониски места. Ќе започне да дува засилен, повремено силен ветер од северен и од северозападен праве, а температурите значително и нагло ќе започнат да опаѓаат. Максималните дневни температури ќе се искачуваат во интервалот од 2 до 10 степени, меѓутоа од пладневните часови ќе започнат нагло да опаѓаат.

Во Скопје и околината времето ќе биде облачно со повремени врнежи од дожд, од пладневните часови ќе започне да дува засилен северен ветер и температурата значително ќе опаѓа. Во делови од Скопската котлина исто така се очекува провејување на снег. Максималната температура ќе се искачи до околу 7 степени, од пладневните часови ќе опаѓа.

Потоа локално провејување на снег ќе има и утре, додека во четврток и во петок ќе има преодна стабилизација на времето. Минималните температури насекаде ќе бидат негативни и ќе се спуштаат во интервалот од -11 до -2 степени, додека максималните дневни температури ќе се искачуваат во интервалот од -1 до 9 степени во најтоплите предели од државава. Нови врнежи од дожд и снег на повисоките места и на планините се очекуваат во текот на ноќта петок кон сабота.

Напишете коментар

Вашата адреса за е-пошта нема да биде објавена. Задолжителните полиња се означени со *

five + 8 =