Скерлев: Џонсон е феномен – прва казна за британски премиер после која тој не поднесува оставка

You must need to login..!

Опис

Во Велика Британија полицијата излезе со казни за министрите на премиерот Борис Џонсон затоа шшто во време на карантин се оджрале 15 забави додека истовремено излегуваа во јавност барајќи граѓаните строго да ги почитуваат антиковид мерките.

-Борис Џонсон веќе многу пати се има извинето, и повторно се извини, а доби казна од 50 фунти. Јас на пример за ситни сообраќајни прекршоци, како погрешно паркирање, сум платила и 60 и 80 фунти. Рита Ора, на пример, правеше забава во истиот период и си плати казна од 10.000 фунти и се извини, вели за Утрински брифинг новинарката Жанета Скерлев.

Лордот Волфсон, министерот за правда, вчера си поднесе оставка иако не беше казнет, затоа што како што рече му е смачено од дволичноста во британската влада. Скерлев вели дека ова е прва казна за британски премиер после која тој не поднесува оставка.

-Многумина во ковид пандемијата загубија драги луѓе и анкетите покажуват дека луѓето не му простуваат на Џонсон за забавите затоа што „Партигејт“ секогаш ќе ги потсетува на лична загуба. Џонсон има мнозинство во Парламентот, но нема идеи како да ја извлече земјата од економската криза. Никогаш потрошувачката кошничка не била олку скапа во Британија, вели Скерлев.

Во Британија владата чека да се стопли времето за да згасне гневот кај луѓето, оти гас нема и е скап, па луѓето особено постарите, буквално се смрзнуваат дома оти нема греење, вели Скерлев.

Таа додава дека позицијата на Џонсон му ја чува кризата во Украина, оти да не беше оваа ситуација тој ќе беше сменет. Но, ситуацијата со Украина очигледно ќе трае, а кризата во Британија е сериозна, инфлацијата е голема, невработеноста е голема… но, тоа не се решава, а единственото во што се интервенираше беа даноците кои се зголемија.

-Кир Стармер, лидерот на Лабуристите, побара оставка од Џонсон, но тоа не се случи оти очигледно е дека Лабуристите немаат моќ да предизвикаат промена, коментира Скерлев и додава дека ако овие афери беа во времето на Тони Блер, Џонсон немаше да поминува олку лесно.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

3 × 4 =