Се помлади луѓе, дури и адолесценти страдаат од хипертензија

You must need to login..!

Опис

Денеска се одбележува Светскиот ден на хипертензијата. Доктор Љубомир Стефановски вели дека се поголем е бројот на нови пациенти со зголемен висок притисок, но алармантно станува тоа што и млади луѓе во адолесцентниот период страдаат од хипертензија. А од оваа болест не се исклучени ниту бебињата, на кои хепертензијата им е нејчесто наследена од мајката, а зависи од нејзината воздраст, гестациската недела на породување, и наследните фактори.

-Три проценти од бебињата, и околу 10 проценти од адолесцентите страдаат од хипертензија. Тоа е само уште еден показател дека од оваа болест не е исклучен никој. Немањето здрави животни навики, брзата храна, која најчесто е премногу зачинета и полна со мрснотии, слабата физичка активност и стресот се најголемите причинители на високиот крвен притисок, но не треба да се занемари ниту генетскиот фактор, објаснува д-р Стефановски. Хипертензијата се нарекува тивок убиец. Со нејзиното појавување се оштетуваат органите и се нарушува целокупното здравје на човекот.

-Најопасна е малигната хипертензија, и без разлика на примените лекарство се случува да не можеме да го контролираме притисокот. За почеток на хипертензија го сметаме крвниот притисок 149 со 99 и тогаш почнуваме со терапија. Оваа состојба е неизлечива, но може да се контролира. Доколку не се контролира, хипертензијата е причинител за анеуризма, заболување на бубрезите и срцето, а предизвикува и остеопороза, предупредува д-р Стефановски. Тој советува да се јадат пет мали и здрави оброци на ден, секојдневна спортска активност по 30 минути, да не се пушат цигари, затоа што дури и умерената хипертензија го скратува животот.

Напишете коментар

Вашата адреса за е-пошта нема да биде објавена. Задолжителните полиња се означени со *

7 + ten =