Серафимовски: Градежништвото е во криза, државата мора да направи долгорочен план за развој

You must need to login..!

Опис

Новите статистички показатели во новата сезона покажуваат пораст на градежништвото, околу кое гравитираат низа други стопански гранки. Но, најдобар увид во актуелните состојби во гранката кои се менуваат од ден во ден поради глобалните кризи има Комората за градежништво.

-Во моментов градежништвото е една од најпогодените гранки во стопанството. За време на ковид кризата не беше толку засегнато, но сега е на прагот на ликвидност. Се надеваме на подобра иднина и дека искуството што е акумулирано ќе помогне фирмите да опстојат, вели Андреа Серафимовски, шеф на Комората за градежништво за Утрински брифинг.

Според него позагрозена е нискоградбата во капиталните инвестиции за разлика од висооградбата каде што може да се прават калкулации зависно од побарувачката. Компаниите што работат нискоградба работат по договори кои имаат непроменливост на цената како клаузула во договорите и тоа не може да се менува, коментира Серафимовски и додава дека никој нема чувство што им се случува на градежниците оти мора да се адаптираат цените на новите услови.

-Секундарен проблем е проблемот со потенцијалната корупција, а примарен проблем е што ако државата не реагира ќе се загубат голем број градежни компании. Компаниите преживуваат од денес за утре и се соочени со огромна неизвесност. Некои компании велат дека повеќе им се исплатува да не работат неколку месеци отколку да работат по зададените цени, вели Серафимовски.

Серафимовски за доминацијата на „Гранит“ пред другите компании вели дека причината е големото искуство во работа и надвор од државата.

-Државата мора да направи долгорочен план за развој и заштита на градежништово оти може да згасне еден од моторите на стопанството кој може да работи не само во земјата туку и надвор од неа. Градежниците се соочуваат со нелојална конкуренција, а од нив се бара да ги подмират сите давачки во целост, вели Серафимовски.

Македонија сега има дефицит во градежен и инженерски кадар, поради одлив на рабта сила.

-Дефицит на работниот потенцијал е главен проблем во Европа, а кај нас како мала земја тоа многу се чувствува. Ако на времето главна цел беше купувањето на машини, сега главна цел е да се инвестира во кадар кој ќе остане и ќе се задржи. Ние не се бориме за поголема плата на искусните кадри. Синдикатите не се крижат продуктивните работници да добијат поголема плата, оти тие се оние кои заминуваат, а остануваат само оние кои сѐ уште се обучуваат, вели Серафимовски.

Проследете го целиот разговор во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

eight + 16 =