Секирарска: Имаме проблем со целиот воспитно-образовен систем – промени и реформи во образованието се неопходни

You must need to login..!

Опис

Она што е сигурно е дека реформите во образованието се неопходни. Целата фела е свесна дека треба нешто да се менува. Сосема друго е форматот на реформите. Можеби недостасуваше да се испита пулсот со базата пред да се излезе со предлогот. Мислам дека можеби би требало да се пушти како пилот во некое од училиштата за да се види како ќе функционира. Мене како реформски зафат ми се допаѓа.

Долго време сум во клупите, знаеме што недостасува, знаме какви ученици продуцираме, предолго образованието е на маргините и нешто треба да се направи. Реакциите што можеби се прејаки или оправдани, секој рез претставува страв, но како фела и родители, институции, заедно да се обидеме да направиме најдобро што можеме за нашите деца, изјави во Утрински брифинг Елизабета Секирарска, професор во СОУ „Перо Наков“ – Куманово.

Образованието не е статичен процес. Анализите покажуваат дека имаме проблем со целиот воспитно-образовен систем. За една држава што се етикетира како современа е ова е недозволиво. Што нечини? Имаме голема преоптовареност на учениците. Многу претходни зафати оставија длабоки последици кои се уште ќе ги гледаме. Екстерното тестирање остави длабоки последици како комплетно промашен реформски зафат. Имаме систем кој е 30 години руиниран, а за да направите куќа треба да почнете од темелите. Затоа ќе речам – реформите кои се најавуваат се надевам дека конечно нешто ќе сторат. Имаме квалификатива дека сме образование кое продуцира деца со функционална неписменост, што е многу болно. Образованието за учениците веќе не е предизвик.

Целиот разговор со професорката Елизабета Секирарска погледнете во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

eighteen − 2 =