Саити: Црвениот крст формира тимови кои ќе бидат распоредени на шест локации во Скопје – повозрасните да побараат помош

You must need to login..!

Опис

Тимовите на Црвен Крст се речиси насекаде. Колку тимови се на терен и дали се добро зашититени волонтерите на Црвен Крст.
За справувањето на последиците, учеството на Црвениот Крст во новонастанатата ситуација во Утрински брифинг говореше претседателот на Црвениот Крст, Саит Саити.

Еден од приоритетите на Црвениот Крст е грижата за своите волонтери и за вработените. Така што ниедно лице, волонтер на Црвениот Крст не се дозволува да биде изложено на ризик, така што се почитуваат и преземаат сите мерки за нивна заштита, изјави Саити.

Во вакви ситуации многу е битно сите работи да се водат од еден центар. Се наоѓаме во нередовна ситуација и нашата работа се прилагодува кон таквите околности. Ние помагаме на властите во полесно совладување и справување со одредени ситуации на терен. Така и се однесуваме. Црвениот крст не претендира да презема некои улоги, затоа што преземањето на улоги во ваква ситуација не е така добро.

Од нас беше побарано да излеземе во пресрет на властите во државата. На граничните премини наши волонтери да бидат на испомош на цариниците и полицијата во смисла на спроведување на тестови, анкети кои се спроведуваат на граница. Заклучно со вчерашниот ден волонтери на Црвениот крст има на сите гранични премини.

Ангажирани сме и во делот на мигрантите. Во прифатните центри обезбедени се и контејнери за изолација во случај да се утврди одреден ризичен случај, изјави во Утрински брифинг Саит Саити, претседател на Црвен Крст.

Во текот на денов ќе формираме дополнителни тимови кои ќе бидат распоредени на 6 локации во Скопје. Повозрасните луѓе кои нема да можат да ги обават активностите (купување храна, намирници) ќе може да побараат помош од тимовите на Црвениот крст.

Напишете коментар

Вашата адреса за е-пошта нема да биде објавена. Задолжителните полиња се означени со *

twelve + 4 =