Саем за вработување 2021- од први до 19 ноември

You must need to login..!

Опис

Вчера започна седумнаесетото и воедно и второто виртуелно издание на Job Fair, саем за кариера и вработување на студенти, организиран од страна на Бордот на Европски Студенти по Технологија (БЕСТ) – Скопје. Ема Георгиева, студента на ФИНКИ, денеска во Утрински брифинг ги повика студентите да ја искористат можноста и да воспостават контакт со компаниите кои нудат можност за практична настава и вработување.

  • Саемот ќе се одржува до 19.11.2021 и на истиот можат да учествуваат сите млади кои сакаат да напредуваат во својата кариера, истиот ќе биде составен од Networking настани и Вебинари. Начинот на пристап е преку линковите поставени на нашите социјални медиуми или со оставање на мејл и потоа на тој мејл ќе пристигне линк до Networking настаните и Вебинарите. Networking настаните се наменети за запознавање на студентите со компаниите, праксите кои ги нудат, обврските кои студентите ќе ги имаат преку Q&As, споделување на Success Stories од страна на вработените, објаснува Георгиева.

Вебинарите се во формат на онлајн работилници, case studies, предавања и слично каде студентите може подетално да се запознаат со тема од областа на работа на компанијата.

  • Job Fair дополнително им нуди можност на студентите да го прикачат сопственото CV на Job Fair страната од каде компаниите ќе ги контактираат нив за пракса или работа, но важно е да се знае дека можноста за оставање на CV е преку цела година не само додека трае формалниот дел од настанот. Овогодинешниот саем за вработување е најголем досега. Пријавени се 41 компанија, заинтересирана за вработување на студентите, вели Георгиева.

Таа додава дека фирмите не се водат од просекот на студентите при нивниот ангажман, и најчесто не бараат кандидатите да имаат работно искуство.

Напишете коментар

Вашата адреса за е-пошта нема да биде објавена. Задолжителните полиња се означени со *

two × 3 =