Родителите да не стравуваат, училиштата после изборите се дезинфицирани

You must need to login..!

Опис

Стотици граѓани вчера ги исполнија училниците, каде што се одвиваше гласањето за седмите локални избори. Дури и по затворањето на избирачките места, избирачките одбори до доцна во ноќта останаа во училиштата, каде што се одвиваше и пребројувањето на гласовите. Од друга страна, веќе во седум часот утринава во истите училишта започнаа да пристигнуваат учениците. 

„Утрински брифинг“ денеска го посети основното училиште „Невена Георгиева – Дуња“ со цел да дознае дали персоналот во вработен во училиштата  имаше време да ја направи неоходната дезинфекција на просторот, со цел да спречи евентуално ширење на вирусот Ковид-19.

– Во нашето училиште до 01.30  останаа избирачките одбори. Според планот кој претходно го направивме, во шест часот утринава, екипи од општина Кисела Вода започнаа со темелна дезинфекција, од дворот на училиштето до ходниците и училниците. И ние како училиште помогнавме што побрзо и поефикасно да се дезинфицираат училишните клупи и столчиња, тоалетите и кваките, објасни Хари Стојаноски, директор на ОУ „Невена Георгиева-Дуња“.

Напишете коментар

Вашата адреса за е-пошта нема да биде објавена. Задолжителните полиња се означени со *

18 + 14 =