Реџепи: Не сакам да дебатирам со Левица оти тие сакаат да отворат ретроградни теми – мислам дека ќе надвладее разумот

You must need to login..!

Опис

Избравте да одите против својот потпис и својата партија што е најзрела постапка направена во последниве денови. Беса од седењето во Влада со СДСМ и ДУИ добри добра позиција на терен кај гласачите, но по постигнатит успех на локалните избори реши да им забие нож на коалиционите партнери.

-Беса со она што го прави доби симпатија кај гласачкото тело. Беса се покажа и во Министерството за култура. Сите овие иницијативи започнаа кога веќе премиерот Заев си поднесе оставка. Ние не сме врзани со една личност, но Заев е личноста со која се рпеговарало. Имаше проблем во Министерството за образование во врска со недоразбирања меѓу заменикот и министерката и за тоа почна да се разговара, па не беше извесно дека тие разговори ќе продолжат ако се смени Заев.

-Во партијата велат дека не сум почитувал одлука. Но во Беса нема одлука да излезе од Владата. Јас анализирав, ние сме формално сѐ уште дел од владината коалиција. Јас верувам и зборувам за тоа дека треба да продолжиме заедно оти државата има потреба од стабилна Влада и поголемо мнозинство. Господинот Касами велеше дека никогаш не би избркал некого од партија, но во афект го стори тоа.

Беса направи важен стратешки чекор со тоа што влезе во предизборна коалиција со СДСМ. Албанските партии се нераспложени од позицијата на ДУИ која ги има сите карактеристики на заседната партија. Но, од друга страна Беса не покажува стратегија да остане подолго

-Да, причината е ДУИ да замине во опозиција. И затоа се случија некои исфорсирани потези. Јас во политика влегов за да бидам опонент на ДУИ, но не по секоја цена. Не се прават комбинации од кои ќе произлезе штета. Не мислев дека може да има политичка влада без ДУИ. Треба со програми и понуди да се покаже конзистентност и да се победи ДУИ на избори.

ДУИ успева и потежок пораз заедно со Груевски да се врати на сцената. Околу секоја идна влада ДУИ придонесува да се формира влада, а од друга страна Левица е потребна за формирање влада која не е на СДСМ. Компромис треба да се прави меѓу ДУИ и Левица.

-Со ДУИ имаме заеднички точки особено за проекти поврзани со Албанците. Со Левица немаме заеднички точки, напротив, тие се ретроградни, сакаат да го поништат признавањето на Косово. Во Парламентот не сакам да дебатирам со нив оти тие тоа и го сакаат да им се реплицира за да ги покренат тие радикални и ретроградни теми.

Од изборите во Бугарија е јаснно дека влада во Бугарија тешко ќе се формира до декември, а тоа значи дека тешко ќе започнеме преговори во декември. Од јануари претседателството со ЕУ го презема Франција која е апсолутно против проширување.

-Влада можеби нема да има во Бугарија, но има притисок од членките на ЕУ. Таа на крајот ќе мора да попушти и да нѐ пушти на нашиот пат кон ЕУ оти и кај нив расте евроскептицизмот.

Дали има можност Беса да се врати во владата.

-Ние само што почнавме. Мислам дека ќе надвладее разумот, ќе разговараме, а можеби и ќе ме убедат дека е подобро Беса да излезе од владата.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

one × one =