Речица: Не е точно дека жените не сакаат да се вклучат во политиката – често мажите не го дозволуваат тоа

You must need to login..!

Опис

Кога станува збор за родовата застапеност во овие локалните извори, Градот Скопје и Старо Нагоричане се единствените општини кои во следните четири години ќе ги раководат градоначалнички. Процентуално, жени ќе раководат со 2,5 отсто од вкупно 81 македонски општини, а тоа е 40 пати повеќе мажи отколку жени.

„Се работи за политичката култура во нашата држава, во која жените се’ уште не се прифатени во политиката и генерално во политичката сцена. А тоа почнува од самите политички партии кадешто жените не се чувствуваат добродојдени, самите политички партии не се доволно отворени за женскиот глас и женската перспектива во креирањето на нивните политики и програми и тоа што го нудат на граѓаните. Гледајќи ги бројките за ситуацијата неколку години наназад, најголем број на жени градоначалнички во Македонија имало на изборите во 2017 година, кога имавме 4 градоначалнички. Со овие избори се враќаме назад и повторно потфрлуваме во вклучувањето на жените во политиката. Со тоа што имаше само 25 кандидатки за градоначалнички од вкупно 300 кандидати и локалната политика повтоно останува во рацете на мажите. Голем проблем е што во локалната политика, во локалните заедници се соочуваме со проблеми како што е инфраструктура, училиштата, здравството во локалните заедници – сите проблеми каде што е потребна женска перспектива затоа токму жените најдобро знаат со какви проблеми се соочуваат во локалната заедница. Доколку го нема тој женски глас, нема да може да се носат политики и решенија за проблемите кои се соодветни на потребите на жените во таа локална заедница. Нашите политички партии не се доволно отворени за жени во нивните кругови и жените што се вклучени во политичките партии се соочуваат со многу препреки и предизвици. Најчесто се само симболично, но не се и суштински вклучени во политиките. Доволно е да се погледне колку се жените вклучени во раководствата на политичките партии. Во моментов има само една партија со жена претседател “, вели за Утрински брифин Влора Речица, истражувачка во Институтот за демократија „Социетас Цивилис“.

Според неа, женските клубови кои се формираат во рамките на политичките партии всушност имаат контраефект затоа што „ако жените беа доволно вклучени во самата политичка партија немаше да има потреба за вакви женски клубови, бидејќи кога си вклучена во структурата и твојот глас вреди подеднакво како и гласот на мажите во партијата – нема потреба од посебно тело“, додава Речица.

Напишете коментар

Вашата адреса за е-пошта нема да биде објавена. Задолжителните полиња се означени со *

nineteen + thirteen =