Рајчановски: Градот Скопје како организатор на такси превозот има обврска на граѓаните да им обезбеди сигурен авто-такси превоз

You must need to login..!

Опис

Растот на цената на нафтата на светските пазари очекувано се прелеа и во земјава. Регулаторната комисија вчера попладнето ги соопшти најновите цени на горивата кои забележаа голем скок во споредба со последните промени од пред една недела.

Со најновата одлука бензините поскапуваат за 5,5 денари, а дизелот за цели 10 денари.

Од ваквиот драстичен скок кој доаѓа во континуитет на трендот на поскапување на горивата ќе ја зголеми и онака високата енергетска криза, што очекувано ќе предизвика домино ефект и врз цените пред се на оние сектори кои најдиректно се поврзани и зависат од користењето на горивата како енергенс во секојдневното работење.

Меѓу нив е и такси превозот.

Какви ќе бидат импликациите и дали по последната одлука на Регулаторна ќе поскапи оваа услуга за граѓаните, во Утрински брифинг разговаравме со претседателот на Групацијата на автотакси превоз на Град Скопје, Сашо Рајчановски.

-Изминативе месеци високата цена на горивата направи таксистите да возат без попусти. Значи превезуваат по полна цена на таксиметарот која е стара 11 години.

-Последниве поскапувања веќе ги ставија таксистите во состојба да изнајдат начин како да опстојат, затоа што не се зголемени само цените на горивата, уште повисоки се цените на резервните делови и останатиот потрошен материјал.

-Последново покачување на цената на горивата нанесува сериозен проблем на такси дејноста. Покрај високата цена на горивото, уште посериозен проблем ни е нелојалната конкуренција, непријавени такси возачи, нелиценцирани такси возила и такси возила без фискални таксиметри, кои наплатуваат високи цени на граѓаните.

-Постојано апелиравме и укажувавме дека единствено решение да остане истата цена, а таксистите и граѓаните да бидат задоволни, сето тоа институциите да не ги чини ниту еден денар е да се активираат инспектори да ја расчистат нелојалната конкуренција, затоа што ако ја покачиме цената, а притоа знаејќи го стандардот на граѓаните, тогаш таксистите ќе нема кого да возат, вели Рајчановски.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

3 × 2 =