Рангеловиќ: Технократското однесување на Ковачевски е негова предност

You must need to login..!

Опис

Оценка за политичката година зад нас и какви промени можеме да очекуваме во следната со оглед на промената во врвот за денешен Утрински брифинг даде политикологот Иво Рангеловиќ.

Годината ја одбележа падот на владата поради тоа што владејачката коалиција претрпе пораз на локалните избори.

-Локалните избори мислам дека не беа причината за падот на Владата со оставката на Зоран Заев. Повеќе тоа се однесува на неуспехот во преговорите на ЕУ и мислам дека оваа влада го даде својот максимум и мудро е што Заев се повлече. Тоа што владејачката коалиција го загуби Скопје е битно, но побитни се преговорите за ЕУ и добивањето на датум, сеедно дали тоа зависи од вас или не, вели Рангеловиќ.

Рангеловиќ вели дека очекува новата влада да биде изгласана брзо, но дека е побитно како ќе работи таа влада.

-Тешко е да оценувате луѓе пред да донесат некакви чекори, јас би рекол дека новиот состав може да се нарече диктатура на просечноста, но да почекаме. Очекував дека ќе има некоја крупна личност од бизнис сферата со оглед на кризите со кои се соочуваме. Исто така, немаме луѓе од сферата на културата кои би креирале јавно мислење. Трето што недостасува се млади луѓе образувани во странство, вели Рангеловиќ.

Рангеловиќ вели дека нов кадар не може да се избере ако фокусот се става на партизацијата и дека не гледа проблем да изберат некој кој не припаѓа на ниедно крило во партијата.

Разговорот погледенте го видеото

Напишете коментар

Вашата адреса за е-пошта нема да биде објавена.

15 + 10 =