Рангеловиќ: Спорот мора да се реши што е можно побрзо, но цената не смее да биде било каква форма на сервилност или понизност

You must need to login..!

Опис

Во демократија сосема е легитимно опозицијата д аизлезе на протести. Во однос на внатрешните работи и пандемијата, протестите не се добра алатка да се справиме со истото, но во однос на некаков консензус, тука стојам на иста линија со лидерот на опозиццијата дека е потребна лидерска средба, иако тој консензус е очигледен кај сите партии дека не треба да се задира во македонскиот идентитет, сепак тоа треба да се формализира. Дали тоа ќе биде преку лидерска средба, декларација во Собранието, сепак ќе биде една духовна храна за општеството и ќе даде сила во преговорите со Бугарија, изјави во Утрински брифинг политикологот Иво Рангеловиќ.

-Она што можам да го издвојам сега е позицијата на албанскиот политички кампус. Имплицитно во изјавите на нивните лидери ја даваат поддршката. Треба да се искористи моментот, кога и самиот претседател на државата и Владата велат дека е очигледен тој консензус и нема потреба да се расправа за нешто за кое што сите ние се согласуваме, но самиот чин на формализирање на истиот консензус многу значи во една држава и за една дипломатија. Писмена потврда која би одела во Собранието и доколку осеќаме дека може да се спроведе, многу ќе значи не само во спорот со Бугарија, туку оппшто за едно закрепнување на оваа држава.

Околу именувањето на Бучковски за специјален претставник на Владата за Бугарија, Рангеловиќ вели дека како формална позиција и не е така лоша идеја, но тајмингот е сосема нешто друго.

Јас генерално не коментирам личности, но само се надевам дека како што и самиот Бучковски вели дека ќе биде додадена вредност на целата ситуација, се надевам дека тоа и така ќе испадне. Мене малку ме плаши што мандатот му е на една година, дали тоа значи дека минимум една година ќе имаме потреба од таков претставник и дека сето ова немна да се реши. Овој спор ако стане еден комплексен наратив налик на оној со Грција тоа е најнеповолна ситуација во која може да се најде нашата држава, односно Бугарија ќе биде нова точка на поделба, нови гарнитури ќе дојдат на чело на владите и доколку сето ова се разложи и остане низ годините кои следат, навистина не ни се пишува добро. Овој спор мора да се реши што е можно побрзо, цената не смее да биде било каква форма на сервилност или понизност, смета Рангеловиќ.

Целиот разговор со политикологот Рангеловиќ погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

18 + seven =