Разговор со Кристина Божурска, која пет години собираше сведоштва на работничките во Куманово и други градови

You must need to login..!

Опис

Книгата „15 хорор приказни на работнички“, од Кристина Божурска, уметница, културолог и наставничка по уметност е избор на сведоштва на жени кои таа ги собирала од 2015 до 2020 година.

„Веќе подолго време преку својата уметност се обидувам да актуелизирам женски теми и женското прашање, кое мислам дека е многу значајно и секогаш релевантно и потребно не само во нашето општество, туку и глобално. Во своите дела секогаш сум обработувала некои општествени и политички теми, а бидејќи доаѓам од Куманово, каде има развиена текстилна и кожарска индустрија, отсекогаш бев опкружена со приказни на жените кои беа таму вработени. Во 2015 година почнав да ги архивирам тие нивни сведоштва, не ми беше целта да направам некакво научно истражување или да собирам статистички податоци за тоа какви се работничките услови во Македонија што веќе прилично познато и јасно, туку сакав да се осврнам на личната, интимна приказна на секоја од тие жени.

– Немав никаков конкретен план дека тие треба да завршат во книга, туку едноставно верував дека тие женски гласови, сите тие сведоштва треба да бидат запишани. Со текот на годините, таа архива почна да се зголемува, на почетокот тоа беа сведоштва од жени што лично ги познавам, но потоа тој круг почна да се шири. На почетокот тие приказни ги вметнував во моите уметнички дела кои беа изложувани во галериски простор. Потоа сфатив дека тој галериски простор е затворен и ограничен и кога излезе конкурсот на „Private print“ за книга, решив да конкурирам и се израдував кога тие ја препознаа потребата тие сведоштва да бидат објавени во форма која овозможува многу појавно и пошироко да допре до поширок круг луѓе. Ова не се непознати приказни за работничките права, но иако се’ почесто се зборува за нив, сепак состојбите не се многу сменети“, вели Божурска за Утрински брифинг.

Новиот проект на Кристина Божурска ќе може да се види на 14 јули во КСП „Центар – Јадро“.

Напишете коментар

Вашата адреса за е-пошта нема да биде објавена. Задолжителните полиња се означени со *

16 − 14 =