🎥 Радоњиќ: Асоцијацијата на архитекти нема да преговара на јавна расправа за изградбата на Шпанските скали и споменикот на Мајка Тереза

You must need to login..!

Опис

Ана Радоњиќ од Асоцијацијата на архитекти на Македонија денеска во Скопски агол на Утрински брифинг потврди дека ниту таа, ниту останатите архитекти не се согласуваат со новиот Детален урбанистички план.

Ние не сме против новиот ДУП генерално и во целост, меѓутоа има многу спорни елементи за кои реагираме. Тоа се маркиците за т.н. Шпански скали и за споменикот на Мајка Тереза. Токму за тие две спорни локации беше донесен и мораториум за градба, а во планот се повторно вцртани. Според мислењето на проектите од Конзерваторскиот завод, кои мора да бидат земени во предвид кога се исцртува Деталниот урбанистички план, пишува дека тука не смее да постои објект. Дури и по цена да се обештети приватниот сопственик, тука не смее да има градба што ќе го наруши изгледот на центарот на Скопје, кој што е душата на градот, вели Радоњиќ.

Таа нагласи дека не присуствувала на презентацијата на ДУП-от, бидејќи, како што вели, бесцелно е да дебатира дали ќе ги има спорните градби, или не.

Ние не сакаме да се повлече планот и да се започне нова процедура за план, туку во рамки на истата постапка за носење на планот, да се вратат некоја фаза наназад и да се изменат некои работи во планското решение, за повторно да се врати на јавна расправа. Стравуваме дека aко се изгласа ДУП-от може да се извади градежна дозвола, бидејќи тие маркици постојат со сите параметри, со намена, со катност…

Mене ми е жал што наместо да дебатираме за визии за подобрување на изгледот на Скопје, ние зборуваме за маркиците и правните основи, истакна Радоњиќ, и додаде дека ова не треба да биде тема за дебата и уште еднаш потврди дека ни во иднина нема да присуствува на јавна расправа за тоа дали треба или не треба да ги има овие градби во планот.Планот не заслужува дебата од баша страна, тоа е нашиот став и мислење, додаде Радоњиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

17 − 17 =