Проф. Славевски: Кој и да стане градоначалник, Советот ќе работи за скопјани

You must need to login..!

Опис

Професор на Економски факултет и член на ИК на ВМРО-ДПМНЕ и веројатно иден претседавач на Советот на Град Скопје, Трајко Славевски беше гостин на денешен Утрински брифинг. Составот на Советот е прилично шаренолик и веројатно ќе биде компликувано.

-Градот Скопје е сложена, колоритна средина. Тоа не е хендикеп, туку напротив. Ги видов кои се кандидатите, тоа се луѓе со професии. Мислам дека ќе се групираат по прашања и теми во функција на граѓаните на Скопје. Јас на митинзите истакнував дека ако ни е ддена можноста да станеме советници, прво ќе ја поддржуваме идната градоначалничка.

-Ова ми е еден вид враќање во Советот на Град Скопје. Во советот останав година и половина и знам како е.

Да не го напуштите Советот по некое време?

-Опозициските партии имаат повеќе кадар да делегираат на пониски функции. Заедно со останатите 45 колешки и колеги ќе помагаме на градоначалникот и ќе бидеме негова контрола.

Данела Арсовска е ваш партиски кадар, но таа излезе како независна, а вие ја поддржавте. Партијата ги презеде валканите работи, а госпоѓа Данела Арсовска само се покажува.

-Не би рекол дека Данела е партиски кадар. Со неа сме седеле на ТВ дебати и сме имале и спротиставени мислења. Ако Данела Арсовска имала поддршка од Груевски тоа било како поддршка на нејзината комора на мали стопанственици. Мислам дека сите ако видиме дека е нападната жена, џентлменски е да ѝ се пристапи на помош. Не ја познавам премногу лично, но верувам дека може самата да се одбрани.

Во секој случај ќе имате деликатна работа кој и од кандидатите да победи.

-Ние ќе се фокусираме на прашања, на тежнеење корупцијата да се сведе на нула. Капацитетот на скопските општини не е толку голем за да можат сами да се носат со големи инфраструктурни проекти. Затоа е тука градот Скопје, но и централната власт, особено кога станува збор за гасификацијата.

Проценки се дека треба стотици евра за гасификација на семејствата. Инвертерите намалија загаденост. Дали планирате субвенции и за гасификацијата како и за инвертерите?

-Главен приоритет на градот и владата за премин кон зелена енергија е гасификацијата. И на временото семејствата биле подготвени да инвестираат во големи инфраструктурни проекти, како што беше телефонијата.

Имаше чекање да се види како ќе помине партијата за да се види позицијата на Христијан Мицкоски во партијата.

-Приоритет не било тоа. Приоритет биле позициите на партијата во која има луѓе со различни ставови и интереси. Секојдневната посветеност мора да даде резултати. Ова не се само локални избори. Мицковски е неуморно ангажиран во кампањата и ќе остане претседател на партијата.

-Излезноста на овие избори е многу помала. Имаме пандемија со ковид, па има и граѓани кои се притеснуваат да излезат на гласање. Ако погледнеме наназад ако расте незадоволството од владејачката структура, цинизмот и повлекувањето на граѓаните игра голема улога. Незадоволството од власта е поттик за неизлегување на избори.

Што очекувате во вториот круг?

-Појдовната основа е добра. Во најголем дел од општините нашите кандидати се во големо водство. Во некои општини каде што кандидатите на СДСМ имале подобри резултати ќе победат, но сепак нашите можности се поголеми.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

1 × five =