Проф. Марковиќ: Патриот е секој човек што останал во оваа држава и не заслужува да биде нарекуван предавник

You must need to login..!

Опис

Викендот се одбележа 150 годишнината од раѓањето на Гоце Делчев и ситуацијата беше прилично сензитивна со оглед на актуелниот политички концепт за надминување на меѓусебните спорови меѓу Македонија и Бугарија.

-Според мене не е никаков проблем да се чествува во двете земји сѐ додека и ние имамеправо да го чествуваме онака како што сметаме дека треба. Имаше едно истражување според кое најбитни личности во Македонија се Јосип Броз и Гоце Делчев. Делчев е своевиден столб за нас. Мене ми станува јасно дека историската комисија не е политички поврзана, туку ќе преговара онака како што ќе се движи политиката што ќе ја водат Ковачевски и Петков. Историската комисија работи на 19-вековна тема и мислам дека тешко ќе ѝ оди, вели проф. Марковиќ.

Според Марковиќ, тој не би сакал да се сложи дебатата да се сведе на историски прашања шт ќе доведат до идентитетски отстапки. Тој вели дека се забележува оти бугарската страна ја менува постепено позицијата, но не може дискусијата да се ограничи со време туку историската дебата треба да се тргне на друг колосек, вон политичкиот.

Токсичната атмосфера што ја креира опозицијата, но не само тие, прашање е дали помага за процесот или е обид да се урне целиот процес со оглед на она што му се случи на претседателот Пендаровски викендов.

-Патриот е секој човек што останал во оваа држава и не заслужува да биде нарекуван предавник, да биде плукан и исвиркуван. Не знам каде води тој дискурс на патриоти и предавници и мора да се напушти. Антиквизацијата беше таков класичен пример за поделба. Дневнополитичкиот фолклор не служи за ништо освен да ги полни медиумите, вели проф. Марковиќ.

Во однос на барањата за предвремени избори, не може да се претпостави што би бил резуллтатот, коментира Марковиќ. Опциите се отворени, а не е тајмингот за протести по улици.

-Од спорот со Грција требаше да научиме дека времето не работи за нас, вели Марковиќ.

ДУИ се обидува да го помогне процесот на одблокирање на процесот на преговори со Бугарија со цел почеток а преговори со ЕУ. Веројатно нивната проценка е дека кога би преговарала сегашната опозиција тие преговори не би вродиле со плод.

-Го видовме тоа во 2008 година почнувајќи со една проекономска влада, завршувајќи во 2016 година со низа скандали и псевдопатриотизам и општо раширен клиентелизам, вели Марковиќ.

Тој додава дека ВМРО-ДПМНЕ треба да с врати на економскиот и реформаторскиот модел од 2006 година, а ова сегашно не е ни блиску до тоа. Тие не нудат нивна визија, а од власта се нуди некакво решение.

-Ми се чини Владата да го направи најдобриот договор со Бугарија, пак нема да чини. Проблем им беше прифаќањето на Северна од владата на Заев, а ние слушнавме од прислушуваните разговори дека тие веќе преговарале дали Северна да биде пред или по зборот Република, вели проф. Марковиќ за Утрински брифинг.

Напишете коментар

Вашата адреса за е-пошта нема да биде објавена.

thirteen − 1 =