Проф. Д-р Давитковски: Партиите да престанат да лицитираат со платите – не може без правен основ да се намалува плата на сите

You must need to login..!

Опис

Државата може да им ја намали платата на сите функционери, министрите, на пратениците, но не и на сите вработени во јавниот сектор без некој правен основ, вели за Утрински брифнг, Борче Давитковски, професорот на Правниот факултет.

Мислев дека ќе реагираат судиите и јавните обвинители и во судската и јавно-обвинителската администрација, ЈО, Судскиот совет, пртетседателот на Врховен, но претпостаувам дека остаа занемени. Во услови на вонредна состојба сите треба да се прилагодиме. Принципот на солидарност сигурно е на прво место. Свесни сме сите дека дел од нашите плати ќе бидат смалени, но не на ваков радикален начин.

Ако сме во криза, значи дека имаме Влада, Кризен штаб кои прават анализи, гледаат каква е состојбата во буџетот. Секој ден се излегува на прес, се кажува колку ќе се задолжиме што е добро и се прави врз база на секојдневни анализи.

Јас очекував дека барем Кризниот штаб ќе направеше некоја анализа и ќе оценеше дека платите во јавниот сектор ќе се смалат за 10, 20, 30 посто.

Потоа да се донесе соодветна одлука базирана на правен основ. Вака испадна дека политичките паритии фактички јавната администрација и правосудството ги третираат како монета за поткусурување. Вработените во јавниот сектор се третираат како поданици на секоја власт, така што излегува дека во секој момент можат да бидат вработени, да бидат на минимална плата … Истото и за судиите.

Ме зачудува леснотијата како се предлагаат овие предлози, знаејќи дека ние имаме независен судски буџет, органи кои што одлучуваат како тој ќе се троши. Претпоставувам дека без консултации на тие органи се кажува дека платите ќе се сведат на минималната плата – 14.500.

Многу е непријатно во услови на вонредна состојба, на пандемија да слушате лицитации за плати од политичките партии, вели професор Давитковски.

Напишете коментар

Вашата адреса за е-пошта нема да биде објавена. Задолжителните полиња се означени со *

4 × five =