🎥 📞 Проф. д-р Вилиќ: Посветеноста и истрајноста на Кристо на крај завршува со парадоксот – распакување на делото кое претходно е пакувано

You must need to login..!

Опис

Американскиот уметник со бугарско потекло Кристо, кој се прослави со замотување на згради и знаменитости со ткаенина и пластика, почина (31 мај 2020) во својот дом во Њујорк. Од неговата канцеларија соопштија дека уметникот починал на 84- годишна возраст од природни причини.

Кристо, кој е роден како Христо Владимиров Јавашев во Габрово, Бугарија, постојано работеше со сопругата Жан-Клод, која ја запознал кога се преселил во Франција. Таа почина во 2009 година.

Кристо стана светски познат по неговите монументални уметнички инсталации. Особено откако го спакува најстариот мост во Париз – Понт Неф, како и Рајхстагот во Берлин.

„Делата на Кристо ги обединуваа луѓето низ светот. Кристо го живееше својот живот до максимум, тој не само што го сонуваше невозможното, туку и го остваруваше“, се вели во соопштението по повод смртта на уметникот.

Неговата инсталација од 2016 година „Пловечки кејови“ беше направена од 100.000 квадратни метри жолта ткаенина, поставена на езерото Исео во Италија.

Во согласност со волјата на Христо, ќе се реализира проектот на кој работел до неговата смрт – пакувањето на Триумфалната капија во Париз. Проектот е планирано да се одржи помеѓу 18 септември и 3 октомври 2021 година. На 1 јули 2020 година во Центарот Помпиду во Париз ќе биде отворена голема изложба на делата на Кристо и неговата сопруга Жан-Клод.

Во Утрински брифинг за значењето на Кристо зборуваше Проф. д-р Небојша Вилиќ за кого менталистичката страна и загриженоста за човековата околина се монументални.

-Неговата посветеност и истрајност на крај завршува со парадоксот распакување на делото кое претходно е пакувано, па и самиот Кристо велеше дека за него не постои дело. Согласно ставот на парот е дека работат уметност која треба да биде убава и да им овозможи на гледачите специфично естетско искуство. Кога се „спакува“ Рајхстагот, јас помислив дека Кристо влегол во идеолошко-политички води, за на крај да се сведе дека тој прокетот го толкува во однос на неговото минато, бидејќи тој е бегалец. Тоа што тие сакаа да го овозможат беше еден нов и специфичен естетски предмет, изјави Вилиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

20 + fifteen =