Проф. д-р Бојаџиев: Хибриден модел на образование ефикасна мерка како одговор на Корона вирусот

You must need to login..!

Опис

Едно прашање се повеќе станува актуелно – заради Корона вирусот УНЕСКО излезе со податок дека до крајот на минатата недела некаде приближно 300 милиони деца во моментов не посетуваат настава.

Таа бројка ќе расте бидејќи пикот се уште не е достигнат. Со самото ова се отвора и дебатата како да се надминат овие „деветнаесет и дваесет вековни“ начини на кои што се одвиваат наставите во основните, средните училишта, на факултетите, каде што се бара физичко присуство.

На светско ниво се воведуваат практики за учење од дистанца, преку интернет. Сега на ниво на ОН почнува да се отвора разговор како тоа да се стандардизира.

За оваа проблематика, во Утрински брифинг говореше Проф. д-р. Марјан Бојаџиев.

Да почнеме со една општа парадигма дека он-лајн настава или настава од далечина значи слаб квалитет. Тоа е првата работа која што овој момент треба да ја заборавиме во ова време на современа технологија.

На он-лајн наставата треба да се гледа само на посебен начин на остварување на истата цел. Таа цел е квалитет на образование.

Ние ако сакаме од Карпош 4 да стигнеме до Аеродром можеме да земеме такси, можеме да возиме. Тоа значи различни патишта до остварување на истата цел.

Во Америка многу долго време е присутно он-лајн образованието. Имаат и посебно тело за акредитација кое е многу значајно и има многу сериозна процедура за добивање на лиценца за далечинско учење. Затоа треба да се заборави дека има лош квалитет.

Квалитетот може да биде добар или лош и во настава во училница и во настава он-лајн, изјави во Утрински брифинг проф. д-р Марјан Бојаџиев, од Универзитетот Американ Колеџ – Скопје за тоа каква е ситуацијата со образованието по појавата на Корона вирусот и кавалитетот од он-лајн наставата.

Морам да споменам дека најсовремениот концепт е хибридно образование. Со развојот на интернетот станаат популарни он-лајн курсеви каде луѓето можат да се стекнат со сертификати. Но тоа е само еден мал сегмент.

Се разбира, најзначајно е универзитетското образование. Со оглед на темпото со кое живееме, тоа се повеќе се изведува во некаков хибриден модел.

Хибридниот модел значи дека имаме дел часови во училница, а дел часови, поради природата на нештата, поради гужвата и ученици кои доаѓаат од различни континенти, е многу подобро да се изведе со некој он-лајн модус. Тоа се покажува како ефикасна мерка, изјави Бојаџиев.

Напишете коментар

Вашата адреса за е-пошта нема да биде објавена. Задолжителните полиња се означени со *

one × 2 =