Проф. д-р Биљали: Не може во сиромашна држава да има владеење на правото без добра економија и демократија

You must need to login..!

Опис

Последната колумна на Мерсел Биљали, универзитетски професор, е посветена на перспективите на Западниот Балкан за приклучување кон Европската унија. Во неа се забележува чувство на изневереност.

-Една земја, во име на сопствено преструктуирање, донесува мерки за попречување на процесот на приклучување, а сега се јавува како спасител. Па дури и да почнат преговорите, јас не сум многу оптимист дека и ќе завршат во некое догледно време, вели Биљали за Утрински брифинг.

Се чини дека одиме во насока во ЕУ да се направи помала европска унија, па уште еден круг на европска унија, а ние сме некако во третиот круг.

-Калкулантски игри пред избори има и во Европската унија. Франција и Холандија предничат во заплашувањето на своите избирачи дека со влез на Западен Балкан ќе се зголеми криминалот и слично, а кога ќе ги заплашат гласачите имаат можност да се јават како нивни спасители. Ние треба да се соочиме со нашите слабости и да се справуваме со нив, вели Биљали.

Во недела очекуваме да се изгласа новата влада која треба да продолжи во внатрешната консолидација.

-Нема да биде лесно да се снајде. Како што земјите од ЕУ во 20 век претрпеа големи жртви и се обидоа преку Унијата да се консолидираат, така и ние треба да го сториме истото преку Отворен Балкан. Нештата на Балканот се променети, поотворени се за ново доколку им се дадат аргументи, вели Биљали.

Тој додава дека и да има проблеми полесно се решаваат заедно отколку секој да биде закопан во својот ров.

За новата влада вели дека треба да ѝ се даде шанса оти станува збор за многу нови луѓе.

-Странците тука имаат голема улога, тие се заинтересирани оваа влада да се тестира да видиме што ќе покаже и нема да има избори, ние сме изморени од избори, вели Биљали.

Тој коментира дека заминувањето на Зоран Заев создава нов психолошки момент, оти е нов почеток бидејќи луѓето се заморуваат од исти ликови. Новиот мандатар ќе се фокусира на економијата. Не може во сиромашна држава да има владеење на правото, па затоа треба да се работи паралелно и на економијата и на демократијата.

-Треба да се воспостави мерит системот, тоа е она што многу недостасува. Вистински луѓе по заслуга и знаење да дојдат на вистинските места. Ако примите 10 партиски луѓе, треба да знаете дека сте револтирале 500 луѓе. Но ако вработите експерти, сите ќе речат дека е по заслуга, вели Биљали.

Тој вели дека ДУИ всушност губи, а на изборите добива по автоматизам. Биљали вели дека на ДУИ ѝ недостасува локомотива што ќе повлече и мора да има понуда оти само со критикување на власта не се добиваат избори.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

5 × 1 =