Проф. Барјактаров: Царовска да го разреши Фидановски поради злоупотреби на својата положба и овластување

You must need to login..!

Опис

Група професори од средното уметничко училиште „Лазар Личеновски“ во Скопје, бараат од министерката за образование Мила Царовска, да го разреши ВД директорот Филип Фидановски, кој е незаконски поставен и без положен испит за директор.

-Во месец септември училишето избра нов состав на училишниот одбор и предложи избор за директор преку конкурс. Министерството го одби предлогот и не остави 37 дена без плата и без придонеси. 37 дена немавме директор, за потоа да го постави директорот Филип Фидановски. Тука започнува нашата голгота. Започнуваат инспекции се со цел да се сруши легитимно избраниот училишен одбор. Секретарот си оди во предвремена пензија, на негово место се носи нов секретар со договор на дело. Се деградира професорскиот кадар, се одзема дигиталната опрема, се со цел да се најдат грешки и криминални дејанија кај професорите. Кулуминацијата доаѓа пре неполн месец кога доаѓа повторно инспекција и донесува некаков записник според кој треба да бидат разрешени сите членови на Училишниот одбор и Одборот на родители, изјави во Утрински брифинг професорот Сашо Барјактаров.

Преку 100 страни документација беше приложено до Државниот просветен инспекторат, се со цел да докажаме дека сите недостатоци за кои што се товари работењето на училиштето не се на место. Со насилно разрешување на легитимно избрани тела во училиштето се оди кон перманетна криза. Оттука во мое име и во име на огромна група наставници од училипштето ја повикувам министерката да го разреши Фидановски поради злоупотреби на својата положба и овластување. Доколку министерката инсистира на ова кадровско решение ќе направи преседан и ќе мора да постави принудна управа на училиштето и ќе му дозволи на лицето Филип Фидановски да владее сам против сите, вели Барјактаров.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

sixteen − 8 =