Проф. Андонов: Трета светска војна нема да има, но ова е спротивно на цивилизациските придобивки

You must need to login..!

Опис

Три недели поминаа од почетокот на конфликтот во Украина, а за тоа како сега се чини ситуацијата во Утрински брифинг разговаравме со проф. Оливер Андонов од Воената академија, експерт за мир и разрешување конфликти.

-Кај нас во Македонија ова доведе до поларизација на про и контра. Според мене, во 21 век е чудно да имаме една ваква војна. Тоа е спротивно на цивилизациските придобивки и не би требало во ова време да дојде до судир на цивилизации. Не постои нешто такво. Но, живееме во време на влијание на центри на моќ за сопствени интереси. Ова е геополитичка приказна, вели прод. Андонов.

Тој вели дека моментот на Трета светска војна во целост го исклучува, но не исклучува да има борба до последниот Украинец.

-Во самиот тек на војната имаме и многу медиумски дезинформации и не сум сигурен дека ги имаме информациите. Прво, факт е дека се работи за војна. Политичкото оправдување на војната го слушаме секој ден, но целите на војната не ни се познати иако гледаме гранатирање. Русија е и нуклеарна сила која може да доведе до глобална закана, вели Андонов.

Тој смета дека е чуден настапот на руската војска. Тие според Андонов имаа погрешен впечаток дека имаат симпатии во украинските градови. Оттука, не се случи брз продор како што се очекуваше, а тоа е резултат на тоа што не достигнуваа следните цели ниту нови единици. Украина не може да се освои со 120 или 150 илјади војници колку што сега има Русија.

-На еден олку широк фронт од Крим до Киев, не постои линија на фронт што им олеснува на украинските бобени сили. Има меѓупростори кои не се заштитувани од единици. Нападите од украинските сили се некласично партизанско дејствување од тип на заседи со што им нанесоа загуби и ја нарушија линијата на снабдување на руските трупи, вели Андонов.

Војната е скапа работа, додава тој и не се води само на терен туку и преку медиумите и кибер системите. Андонов вели дека секоја војна мора да заврши со преговори. Русија сега ќе мора да си најде оправдување да излезе како победник со оглед на тоа што го затвори своето население од изворите на информации од светот. Украина, пак, ќе мора да направи некои отстапки како што е откажување од барањето за прием во НАТО.

Проследете го целиот разговор во видеото

Напишете коментар

Вашата адреса за е-пошта нема да биде објавена.

fifteen + 6 =