Протестниот марш в среда ќе биде спроведен по сите ковид протоколи

You must need to login..!

Опис

Кристина Иванова од невладината организација ХЕРА , која е една организаторите на протестниот марш кој ќе се одржи в среда, во знак на револт, денеска во Утрински брифинг со јавноста ги сподели деталите за одржување на маршот и барањата кои ќе ги изнесат до Министерството за внатрешни работи и Основното јавно обвинителство.

– Бараме од Јавното обвинителство да ги разреши што побрзо овие случаи, бидејќи „Јавна соба“ се провлекува веќе цела година. На јавноста и е добро познато дека овој случај се појави уште минатата година. Бараме од самите институции да делуваат што е можно побрзо и поефикасно, да се сменат многу регулативи кои ќе им овозможат на жртвите безболна постапка. Исто така бараме да се најдат виновниците, да се казнат администраторите на групите. Задоволни сме што Министерството за правда веќе објави дека ги изработило измените на Кривичниот законик со кои се обезбедува значително поголема заштита на жртвите, како оние од „Јавна соба“, но бараме институциите да дејствуваат по донесените регулативи. Покрај недостатокот на регулативи, забележително е исто така и огромно недејствување на институциите. Тоа мора да се промени, нагласува Иванова.

И покрај тоа што маршот се организира во време на пандемија, Иванова вели дека ќе се почитуваат мерките пропишани од Комисијата за заразни болести, и ќе се внимава да се одржува дистанца и да се носат маски, а за тоа ќе бидат задолжени редари. Нема најава дека маршот кој се организира под мотото „Не си сама“ ќе се повтори и во случај да не бидат исполнети барањата на организаторите.

– Доколку сакате да покажете дека жртвите од сексуално вознемирување на интернет не се сами, приклучете се на маршот в среда во 14.30 пред МВР, повикува Иванова.

Напишете коментар

Вашата адреса за е-пошта нема да биде објавена. Задолжителните полиња се означени со *

20 + 14 =