Пристигна Корона – добредојде на паниката

You must need to login..!

Опис

Детална анализа, насоки, опасност или непотребна паника

Илјадници нови случаи на Корона се пријавуваат секој ден. Сепак, аналитичарите веруваат дека вистинскиот обем може да биде 10 пати поголем од официјалните бројки.

Сега се појавија епидемии во Јужна Кореја, Италија и Иран, предизвикувајќи стравувања дека ова може да стане пандемија. 

Пандемија се прогласува кога една заразна болест истовремено се разгорува во различни делови на светот.

Меѓувреме расте бројот на земји во Европа кои секојдневно пријавуваат нови случаи на заразени… Властите во Хрватска јавија за регистриран трет случај на заразен.

Досега во земјата направени се 87 анализи, а сите сомнителни случаи се ставаат во изолација.

Во текот на вчерашниот ден и Грција пријави прв случај на заразен од корона во Солун. Медиумите пишуваат дека станува збор за 38-годишната жена која претходно престојувала во Италија.

Во Албанија до сега нема констатирани позитивни случаи, а тестирани се 13 сомнителни. Случај со корона вирус се уште нема пријавено ниту Косово.

Медиумите во Германија пишуваат дека земјата е пред почеток на епидемија. Појавата на пет нови случаи на коронавирус во западниот и јужниот дел на земјата, со кои инфицираните во државата стануваат околу 20, властите го оценија како влегување на болеста во нова фаза.

Во Франција од почетокот на кризата со коронавирусот, потврдени се 17 случаи, 11 се излекувани, 4 се се уште на болничко лекување и две лица починаа.

Сепак најалармантно е во Италија каде бројот на смртни случаи се искачи на 12 а бројот на заразени кои до сега се регистрирани порасна на над 370, меѓу нив и шест деца.

Поголем дел од случаите произлегуваат од жариштето во округот Лоди, кој е во карантин. Случаи на корона беа регистрирани и во Романија, Швајцарија, Австрија и Шпанија. Во Австрија во текот на вчерашниот ден поради случаи на корона под карантин беа ставени два хотелски капацитети.

Училиште во Виена е ставено под привремена блокада откако кај наставничка се појавиле симптоми на новиот коронавирус. Во Шпанија стотина гости, сместени во хотел на шпанскиот остров Тенерифе ќе останат во изолација во следните 14 дена откако Кај еден од гостите, жител на Италија е потврден коронавирусот.

За потсетување првиот смртен случај на Европско тло од почетокот на епидемијата беше регистриран во Франција. Кинеска туристка почина од компликации од вирусот.

Во Јапонија, од Ковид-19, почина четвртиот патник од бродот „Дајмонд принцес“. Станува збор за 80-годишен маж. Јужна Кореја пријави 60 нови случаи на коронавирус, со што е зголемен вкупниот број на заразени лица во земјата на 893.

Ирак ги забрани сите јавни собирања и влез во земјата на патници од Кувајт и Бахреин од страв поради ширење на коронавирусот. На државјаните на Ирак им е забрането да патуваат во Кина, Иран, Јапонија, Јужна Кореја, Тајланд, Сингапур, Италија.

Според статистиките на здравствените власти од целиот свет до сека од корона вирусот заразени се речиси 82 илјади лица. Од нив 2771 лице починало, а 30 359 се излечени.

Во Кина од почетокот на епидемијата до сега 1716 здравствени работници се заразиле со корона, а шестмина починале. Најголем број од овие случаи се во Вухан од каде што почна да се шири заразата.

За споредба во епидемијата на Сарс, која почна во Кина во 2002 година, починаа 774 од вкупно 8.098 заразени лица. Сегашниот вирус се чини дека засега не мутира. Но иако се чини дека е стабилен, ова е нешто што научниците будно ќе го следат.

Напишете коментар

Вашата адреса за е-пошта нема да биде објавена. Задолжителните полиња се означени со *

15 + seventeen =