Почна предизвикот наречен „Карантински приказни – Антологија на изолацијата“

You must need to login..!

Опис

Почнуваме со предизвик што го нарековме „Карантински приказни – Антологија на изолацијата“.

Со ова сакаме да ги поттикнеме и собереме најоригиналните, најкреативните и најинтересни раскази настанати во ова тешко време што заради наше добро мора да го поминеме во изолација и дружење најмногу со себе и сопствените мисли, изјави во Утрински брифинг Бојан Саздов од издавачкиот центар „ТРИ“.

Во овој период на лоши вести, на социјално дистанцирање и почитување на разно-разните препораки, покрај читањето, голема смисла на нашето секојдневје му дава и пишувањето – како еден од начините да се справиме со големата промена, но, велат тие, и да создадеме траен запис за еден од најдраматичните периоди од нашите животи.

„’Карантински приказни – Антологија на изолацијата’ е хроника што од денес ја создаваме заедно, со кратки раскази што ги очекуваме од секој од вас што во овие моменти наоѓа инспирација и сила за пишување. Најдобрите раскази од предизвикот ќе ги објавиме во издание што ќе остане како антологија да сведочи за бурниот – на моменти и нереален – период кој се надеваме дека набрзо ќе заврши и дека никогаш нема да ни се повтори“, вели Саздов.

Напишете коментар

Вашата адреса за е-пошта нема да биде објавена.

10 + thirteen =