Попоски: Студен бран доаѓа кон Македонија- дожд, снег и силен ветер

дожд

You must need to login..!

Опис

До крајот на денов во нашата држава ќе имаме умерено облачно време со сончеви периоди, локално ќе има и позначителна облачност. Во крајните западни предели не се исклучува можноста за сосема слаб и краткотраен локален дожд. Ќе дува слаб до умерен ветер претежно од југозападен правец, истиот во западните предели повремено ќе засилува на интензитет.

Максималните дневни температури на воздухот ќе бидат значително над просекот и ќе се искачуваат во интервалот од 12 до 20 степени. Не се исклучуваат слаби врнежи од дожд

Топлото и претежно стабилно време ќе се задржи и во поголемиот дел од утрешниот ден. Максималните дневни температури и утре ќе се искачуваат во интервалот некаде од 12 до 20, 21 степен.

Сепак утре доцна попладне и навечер кај нас ќе настапи ГОЛЕМА и релативно БРЗА промена на времето.

Истата ќе биде проследена со зголемување на облачноста, умерен до засилен ветер. Ќе дува од југозападен правец и врнежи од дожд во вечерните и ноќчните часови кон среда.

Поради продор на многу постуден воздух од север, во текот на ноќта вторник кон среда најпрвин на повисоките места и на планините ќе има врнежи од снег. Ќе дојде до формирање на нова снежна покривка. Врнежи од снег се очекуваат и на некои од пониските места каде исто така има услови за формирање на бела покривка.

Сето ова ќе биде проследено и со СИЛЕН северен ветер. Во ваква ситуација граѓаните да бидат внимателни каде и како се движат. Локално брзината на ветерот ќе биде голема.

Температурите на воздухот ќе бележат тенденција на опаѓање дури за повеќе од десет степени во однос на сегашните. Од среда максималните дневни температури ќе се искачуваат во интервалот некаде од -3 до 6 степени. Минималните температури насекаде ќе се спуштаат под нулата. Понекаде истите се очекува да се спуштат и под -10 степени.

Ваквата брза промена на времето, многу лошо ќе влијае особено врз метеопатите. Можна е појава на значителни здравствени проблеми (болки во коските како и на местата од старите рани, повремена нервоза и поспаност).

Напишете коментар

Вашата адреса за е-пошта нема да биде објавена. Задолжителните полиња се означени со *

1 + fourteen =