Поповски: Никој како Бугарија не ја турка Македонија во прегратките на Србија и Русија

You must need to login..!

Опис

„Дали Македонија премногу му веруваше на Кирил Петков?“ е насловот на викенд колумната на колумнистот Љупчо Поповски кој за Утрински брифинг вели дека тој заклучок се извлекува од неговите изјави кои не се премногу различни од изјавите на неговите претходници и другите бугарски политичари иако можеби не се премногу експлицитни.

-Добро е што Генчовска беше во Македонија викендов и разговараше и со министрите и со лидерите на ВМРО-ДПМНЕ и СДСМ. Целта на посетата беше да се опипа пулсот за да се процени до кога Бугарија може да врши притисок без да си нанесе поголема штета, но и да ги ублажи политичките последици од палењето на бугарскиот клуб во Битола „Ванчо Михајлов“, вели Поповски.

Поповски претпоставува дека ние треба да прифатиме дел од барањата на Бугарија во преговарачката рамка со ЕУ, пред сѐ оние поврзани со човековите права со цел да се унапреду позицијата на Бугарите во Македонија, при то ЕУ би била гарант.

Инцидентот што викендов се случи во Битола е намерен чин кој ѝ дава предност на Бугарија и има за цел да ги наруши меѓусебните односи меѓу Бугарија и Македонија.

-Па мора ли тој клуб „Ванчо Михајлов“ да биде 24 часа под полициска заштита? Има безбедување со камери. Професорот Ненад Марковиќ во петокот имаше добра елаборација и рече дека немало никаква провокација ни инцидент од македонска страна. Четири часа подоцна се случи инцидентот како некој да го слушаше тоа, вели Поповски.

Тој додава дека реакцијата на бугарскиот претседател Румен Радев беше како да се случил потоп на светот, оти инциденти се случуваат, а од друга страна зошто Бугарите во Македонија би направиле инцидент ако веќе живеат тука и знаат дека тоа може да предизвика Македонија да остане надвор од ЕУ?

-Убеден сум дека Бугарија има фиксација и не гледа надвор од она што го има зацртано. Земете го случајот со признавањто на македонската црква. Оттаму молчат оти не знаат како да реагираат, вели Поповски и додава дека ригидниот став на Бугарија само ја турка Македонија во прегратките на Србија, а посредно на Русија.

Поповски вели дека Македонија мора да се држи до САД и пријателствто и соработката со оваа земја оти сѝ што САД досега имаат ветено имаат исполнето, додека ветувањата на ЕУ се исполнети само делумно, некаде 40 отсто.

-Земете го гасоводниот проект Александруполи. Тоа во добар дел е американски проект. Бугарија прави опструкции за Македонија да не добие гасна независност и очигледно е дека тоа е поздрав од Русија, вели Поповски.

Генерално земено, вели Поповски, во последниве децении од ЕУ сме добиле финансиска помош во форма на различни грантови и тоа не смее да се занемари ни заборави иако сме ние незадоволни од политичката поддршка.

Проследете го целиот разговор во видеото

Напишете коментар

Вашата адреса за е-пошта нема да биде објавена.

2 × 5 =