Симон Поликарп: Ако бидам градоначалник, на штипјани ќе им служам како човек од збор а не како политичар

You must need to login..!

Опис

Тежнееме да се приклучиме кон европското семејство. Така што ова е ретка и добра прилика ние да докажеме дека сме доволно зрели да бидеме членови на ова семејство, изјави во Утрински брифинг Симон Поликарп – Џими, кандидат за градоначалник на Штип.

Според мене шансите се високи. Секој во Штип го познава Џими, така што како патриот и чедо на градот Штип, како и врз база на моите сведоштва за претходно реализираните проекти се надевам на успех, вели Поликарп – Џими.

Кога дојдов тука јас тука учев средно школо во Пробиштип. Стипендијата која ја добив од Нигерија морав да ја одработам таму. Но јас сум амбициозен чевек и се вратив на факултетот во Штип. Подоцна ја сретнав жена ми која е скопјанка, вели Џими и додаде дека ја прифатил идеологијата на Интегра како конзервативна партија.

-Интегра е најблиска до реалноста. Тоа се остварливи, соништа, планови, визии, проекти. Се приклучив за да допринесам за државава. За ние да ја направивме Македонија место каде што сите среќно ќе живееме треба секој да допринесе колку што може, смета Поликарп – Џими.

Моето срце плаче што сите ја напуштија оваа прекрасна држава. Се што е квалитетно замина. За 10 -20 години Македонија ќе стане држава на пензионери. Приоритет за мене и главен акцент ќе ставам на создавање услови младите да останат тука за да допринесат во нашиот развој, изјави во Утрински брифинг Симон Поликарп – Џими, кандидат за градоначалник на Штип.

Целиот разговор со Симон Поликарп – Џими погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

four × 5 =