Платформа за родова еднаквост: Жените се во поголем ризик од сиромаштија за разлика од мажите

You must need to login..!

Опис

Големиот список на барања на здружението за родова еднаквост е показател дека голем дел од барањата кои сме ги побарале и на претходните осмомартовски маршови, не се исполнети, рече денеска во Утрински брифинг, Бојана Јовановска од Платформата за родова еднаквост.

  • Дел од барањата беа законски измени кои се уште ги очекуваме. Бараме итно усвојување на стратегијата за родова еднаквост, донесување на Закон за родова еднаквост, воведување функционални инспекциски служби кои спречуваат експлоатација и дискриминација на работничките и постапување со должно внимание со жртвите на родово базирано насилство од страна на институциите. Отсуството на политики, стратешки документи и механизми кои го поддржуваат унапредувањето на родовата еднаквост и правата на жените, значи дека институциите дозволуваат системска дискриминација и насилство објасува Јовановска.

Пораката е дека и покрај тоа што жените се половина од популацијата во државата не уживаат еднаквост ниту на работа или дома, во политиката и социјалниот живот. Голем број од жените се невработени, недоволно заштитени, често и жртви на семејно насилство, а законите кои ги штитат вообичаено се само декларативни.

  • Не се невообичаените ситуациите во кои жените работат без соодветни договори за вработување поради што не можат да го остварат правото на породилно отсуство. Би сакала да нагласам дека измените на кривичниот законик се заглавени во некои процедури, кој е потребно да се хармонизира со Истанбулската конвенција која предвидува спречување насилство врз жени и семејно насилство. Исто така повеќе од една година чекаме да биде донесена стратегијата за родова еднаквост. Бараме функционалност на инспекциските служби кои треба да ја спречат експлоатацијата на жените работнички, додава Јовановска.

Таа нагласува дека се уште се соочуваат со несоодветно постапување на полицијата, јавното обвинителство и центрите за социјална работа при пријави за семејно насилство.

Маршот беше организиран под слоганот „Сиромаштијата има нженско лице“.

  • Феминизација на сиромаштијата е нешто што постои долго време. Истражувањата што се прават на глобално ниво покажуваат дека н жените и девојчињата се диспропорционално погодени од ризиците од сиромаштија. Тоа е резултат на родовиот јаз во платите. Во Македонија помалку од половина од работоспособните жени се вработени, останатите се домаќинки и работат неплатена работа. Најстрашно е што таа женската сиромаштија е нподдржана од самиот систем во кој живееме. А, токму економската зависност на жената го продлабочува и насилството, вели Јовановска.

Жените честопати во платформата за родова еднаквост гледаат сојузнички. Таму се обраќаат за помош, откако ќе соберат храброст да се спротивстават на стравот и срамот за состојбата во која се наоѓаат.

Напишете коментар

Вашата адреса за е-пошта нема да биде објавена.

4 × 1 =