Писарев: Не сме супермени, но уметничкиот активизам дава резултати

You must need to login..!

Опис

Уметничката акција „Допри ме“ што ја спроведоја активистите од Центар за современи уметности во Скопје, ја посветија на малечката Ембла, чие што отфрлање од средината, пред очите на јавноста, уште еднаш не’ потсети на недостигот на емпатија, солидарност и нетолерантноста кон се она што е различно.

„Од околу 3000 минувачи, само 300 не’ допреа, искрено јас не очекував дека луѓето дотолку ќе се поттргнуваат и буквално ќе не’ заобиколуваат, иако стоиш пред нив и читаат. Но, тоа треба да се прифати. Тоа се фактите, тоа е реалноста Од друга страна пак, оние што сакаа да не’ допрат, застануваа, сакаа да поразговараат, кажуваа дека би се вклучиле во активности кои што би допринеле кн сензибилизација на јавноста кон луѓето со попречености и така што акцијата ги покажа и лошите и добри страни. Лошото е што мал број луѓе остваруваат интеракција, а добро е што тој мал број на луѓе се свесни за проблемот и се подготвени да се вклучат во решавање на овој проблем во општеството. Велам дека е добро, бидејќи замислете никој да не сакаше да не’ допре и да комуницира. Ние како уметници, како активистичка група не можеме да ги смениме работите од корен, ама може да влијаеме во јавноста за да тие што се занимаваат постручно се вклучат повеќе во решавањето на тие проблеми“, вели за Утрински брифинг, Никола Писарев, активист од Центарот за современи уметности – Скопје.

За време на новогодишните празници, активистите од Центарот на децата од улица им делеа новогодишни пакетчиња.

„Подолго време размислуваме за невидливите луѓе. Нив ги има по неколку илјади во секој град, тие се тука, околу нас, тие живеат на маргините и се соочуваат со сите проблеми“, додава Писарев.

Тој смета дека со упорноста на уметничкиот активизам успеваат да им помагнат на граѓаните да решат некои проблеми и од друга страна да се испрати порака која ќе стигне до пошироката јавност.

Повеќе од разговорот погледнете во видеото.

Напишете коментар

Вашата адреса за е-пошта нема да биде објавена.

19 − four =