Петров: Фондот за иновации годинава имаше рекорден број апликации и иницијативи

You must need to login..!

Опис

Во Фондот за иновации годинава имаше рекорден број апликации и иницијативи, ја сфативме неговата улога за иноваторите, ги поттикнавме банките за кредитни линии за стартапи, направивме соработка со компании кои би инвестирале и тоа е добра екосфера за иновативни бизниси, вели Коста Петров, директор на ФИТР за Утрински брифинг.

-Дигитализацијата е еден од приоритетите на владата, но тоа мора побрзо да се одвива. Ние се приклучивме во тоа и направивме дигитален асистент за помош на граѓаните за снаоѓање при нивните барања на различни документи, вели Петров.

Но, ако се види кој сѐ земал средства од ФИТР се појавуваат контроверзи за што реагираше и Државната комисија за спречување на корупцијата оти средства добил и поранешен функционер.

-Процесот е многу јасен. Има процес на претселекција и секој што ќе добие над 51 поен оди на разгледување кај експерти меѓу кои и странски. Ние имаме ИСО сертификат за борба против корупција. Јавен функционер не смее да користи државни средства две години по завршување на функцијата. Во конкретниот пример никој не пријавил поврзаност со функционер, вели Петров.

Проследете го целиот разговор во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

3 × 2 =