Османи: Нема време за политички, етнички поделби – сите капацитети треба да ги ставиме во заштита на животот и здравјето на луѓето

You must need to login..!

Опис

Најдобро е да имаме објективна проценка, а компаративната анализа нуди секогаш можност за проценка. Добра презентација имаше албанскиот премиер – тој графички ги покажа државите кои први ги затвориле школите – ние бевме една од првите држави.

Ние бевме и меѓу првите кои што донесовме мерки за заштита на границите.

Јас често повторувам дека во случај на пандемија не можат сите мерки да ви бидат перфектни. Треба да ви бидат навремени.

Доколку најголемиот дел од тие навремени одлуки ви бидат добри, вие сте на добар пат да ја решите состојбата. Морам да ги пофалам и граѓаните. И покрај се, најголем дел од нив се најголем дел придонесувачи оваа состојба да биде контролирана, изјави во Утрински брифинг заменик-претседателот на Владата задолжен за европски прашања, Бујар Османи, околу справувањето на државата со Коронавирусот.

Ова не е време на анализи, на критики, туку на здружување и дејствување. Сега нема време за политички, етнички поделби. Сите капацитети треба да ги ставиме во заштита на животот и здравјето на луѓето.

Откако се ова ќе заврши, ќе има време да разгледаме, критикуваме, да бараме одговорности, сега нема време за тоа. Затоа јас нема да навлезам во политичките дебати и ги повикувам сите да направат мораториум на политиканството, изјави Османи околу прозивките од попретседателот на ВМРО-ДПМНЕ, Александар Николовски дека владата ништо не направила за справување со вирусот.

Ако еден заразен пациент влезе во Клинички центар, тоа значи дека Клинички центар треба да влезе во карантин во наредните 14 дена, а нашата држава се потпира на тој капацитет. Така што патеката на движење на тие пациети е клучна за да се задржат витални здравствените системи. Во тој поглед сметам дека планот на владата е добар за да се фокусира на заштита на здравствените работници. Исто така сметам, бидејќи КОВИД-19 е нов вирус, дека ние мора да бидеме подготвени за најцрните можни сценарија, па после тоа нека бидат тие мерки и претерани.

Во 2009 кога беше после пандемијата на свински грип, се покрена истрага во СЗО, дали СЗО претера со паниката што ја создаде во светот. Но апсолутно СЗО беше во право. Не можеше да се предвиди и се соочувавме со нов вирус. Така што подобро е да претераме со мерките одколку после да жалиме кога ќе имаме голем број на случаи. Емпириските податоци од Италија покажуваат дека не се работи за шега, додаде Османи.

Напишете коментар

Вашата адреса за е-пошта нема да биде објавена. Задолжителните полиња се означени со *

four × 5 =