Ослободувањето на Скопје утре ќе биде одбележано со фестивалот ” Нови можности”

You must need to login..!

Опис

По повод одбележување на ослободувањето на Скопје утре на Кејот „13 Ноември“ за прв пат ќе се одржи фестивалот „Нови простори“. Директорот на фестивалот Лазар Нелковски денеска во Утрински брифинг рече дека идејата на фестивалот е на нови простори, досега малку искористувани за јавни случувања, да се одржуваат уметнички настани.

  • Со цел да се покрене уметничката свест кај младите, но и општо кај сите луѓе одлучивме да го реализираме овој фестивал. Датумот на одржување е наменски избран, за да се приклучиме кон одбележувањето за ослободување на Скопје. Истовремено сакаме на младите да им дадеме можност да ги претстават нивните оригинални дела, рече Нелковски.

Заменик директор на фестивалот е Каја Домазетовска која нагласи дека интересот за учество бил изненадувачки голем.

  • Најголема заинтересираност има за уметноста на Кеј, за што се пријавија 11 кандидати, за нови поетски пространства има седум пријавени , за Бродот наречен Скопје, односно кратки раскази има двајца учесници а за отворен микрофон имаме четворица пријавени. Вкупно имаме 24 учесници.

Фестивалот го организира Македонски центар за култура и развој а е финансиски поддржан од Град Скопје, од програмата за култура за 2021 година.

Фестивалот „Нови простори“ ќе започне во 11 часот, а ќе трае до 15 часот.

Напишете коментар

Вашата адреса за е-пошта нема да биде објавена. Задолжителните полиња се означени со *

fifteen − 13 =