Омикрон сојот не е премногу опасен, а ако се крева паника ќе настрада економијата

You must need to login..!

Опис

Новиот сој на коронавирусот, омикрон, предизвика брзи и итни реакции кај европските земји. Тие ги затворија границите за Јужноафриканците. Се очекува и нашата Влада да донесе мерки.

-Ако доаѓате од Малави, Мозамбик или Боцвана, со новите рестрикции што ги воведоа поради сојот омикрон веројатно нема да можете да влезете во Европа. Омикрон има 30 мутации освен мутациите од претходните соеви, но премалку се знае за сега, вели новинарот на УБ, Чаловски.

Според научниците од ЈАР, оваа варијанта не е толку опасна и постои можност другите земји да престанат да информираат за појава на нови соеви. И од СЗО велат дека не треба да се крева паника.

-Симптомите се многу полесни од новата варијанта, силен замор и посилен пулс, но ништо посериозно од тоа. Омикрон се јавува кај население од 18 до 30 години, популација која е најмалку вакцинирана. Во следните недели ќе се испитува дали треба да се преинчат вакцините, но бидејќи содржат делови од претходните варијанти на вирусот секако дека до извесна мера штитат, вели Чаловски.

Постојните ПЦР тестови го откриваат омикрон сојот. Се апелира за зголемување на бројот на вакцинирани. Претседателт на САД Џо Бајден самиот препорача да се земе и онаа бустер доза, иако таа не штити од омикрон но штитат од последиците при евентуална зараза. Се зголемува имунитетот, а се намалуваат ризиците од мутација и затоа е важно граѓаните да се вакцинираат.

Во Швајцарија викендот се одржа референдум за укинување на мерките што го иницираа антиваксерите, но граѓаните одлучија дека мерките треба да останат и дека мерките како носење маска, одржување дистанца и лимитрање на бројот на луѓе во затврен простор не се недемократски.

Напишете коментар

Вашата адреса за е-пошта нема да биде објавена. Задолжителните полиња се означени со *

4 × 5 =