Николов: Штип ќе направи стратегија, фонд за стимулирање и помагање на младите генијалци

You must need to login..!

Опис

Талентираниот ученик од осмо одделение Дамјан Давков од Штип, ќе добие 15.000 денари од Општина Штип, како награда за постигнатиот успех на натпревар по математика, каде бил подобар од сите средношколци.

На овој начин Министерството за образование и наука ќе се обиде да ја смири јавноста, која бурно реагираше откако на социјалните мрежи се појави документот со кој се одбива на ученикот и неговиот ментор да му се даде награда, затоа што учествувале и победиле на математички натпревар за средношколци, а ученикот и наставникот доаѓаат од основното образование.

МОН соопшти дека Дамјан Давков од Штип и неговиот наставник – ментор Кокан Радев за доделување на парична награда по основ на освоено прво место на државен ученички натпревар, согласно законите за основно и средно образование, како и согласно правилниците за организирање на општински, регионални и државни ученички натпревари од страна на акредитирани здруженија на наставници од страна на МОН, на ученичките натпревари за основно образование можат да учествуваат само ученици од основни училишта и на натпреварите во средно образование да учествуваат само средношколци.

Во Утрински брифинг разговаравме со првиот човек на градот, Д-р Сашко Николов кој изјави дека Дамјан, односно „младиот Питагора“ е само еден од неколкуте генијалци кои творат во градот.

Ние како општина секогаш ќе се грижиме за нашите граѓани. Така што општина Штип по иницијатива на градоначалникот и законските регулативи јас можам да си дозволам да го наградам овој млад генијалец и општина Штип ќе направи стратегија, каде ќе се направи во фонд кој што ќе ги помага, стимулира, бидејќи ваквите генијалци имаат потреба да работат во подобри услови, вели Николов.

И мојот брат како средношколец учествуваше на државен натпревар по информатика каде освои прво место, но законот беше таков каде тоа важи само за студентите, изјави Николов.

Целиот разговор со градоначалникот на Штип, д-р Сашко Николов погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

6 − two =