Николов: Демократијата победи, продолжуваме со проектите за доброто на штипјани

You must need to login..!

Опис

Изборите поминаа во една демократска атмосфера. Сите кандидати на еден современ начин ја презентираа својата кампања. Јас за секоја точка од програмата дискутирав со членовите на СДСМ, за тоа поуспешно и поразбирливо да биде пренесено на граѓаните, изјави во Утрински брифинг д-р Сашко Николов, градоначалник на Штип.

Проценот на излезност беше очекуван, на крајот победи демократијата и Штип на легитимен начин избра градоначалник, вели Николов.

Околу фотографиите на социјалните мрежи каде Николов беше обвинет дека не ги почитува мерките, тој смета дека непотребно е оцрнуван со цел да се направи штета на неговиот и успехот на партијата.

Раководството на ВМРО-ДПМНЕ на многу лош начин пренесе фрагменти од мојата прослава. Протоколите беа почитувани целосно. Ме чуди што и некои медиуми кои беа таму и видоа дека постоеше дистанца и немаше прекршување на законите потоа пренесоа погрешна слика, вели Николов и додава дека во Штип мерките целосно се почитуваат и изминативе десет месеци МВР нема напишано ниту една казна за прекршување на истите.

Говорејќи за инфраструктурата во градот Николов вели дека проектите се веќе започнати со реализација. Факт е дека Штип има стара канализација и мој приоритет ќе биде да ја разгледаме оваа инфраструктура, да направиме проект што би го решил овој проблем. Она што е моја работа во овие 10 месеци е да ја разгледаме водоводната мрежа и штипјани да добиваат чиста вода.

Вработувањето е дел од агендата на секој градоначалник. Тоа ќе го направиме со давање на парцели на бизнис секторот со што би се отвориле нови индустриски зони и преку нивните компании да се обезбедат нови работни места. Акцент ставаме на подигање на редот, дисциплината, продуктивноста, ескспедитивноста на администрацијата, вели Николов.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

3 × two =