Николовски: Заедно со студентите ги подобруваме условите за живеење во Студентските домови

You must need to login..!

Опис

Пред околу десетина дена се реновираше блок во Студентскиот дом „Гоце Делчев“. Kаква е состојбата , колку легла и колку е прилагодено на стандарди за живеење.

Гостин во Утрински брифинг беше Дарио Николовски, директор на Студентските домови.

Јавноста е свесна дека од најболните точки беа студентските денови. Пред десетина дена ги отворивме двата блока – В и Г во студентскиот дом „Гоце Делчев“. Добивме комплетно реновирани и реконструирани повеќе од 600 легла. Тука не застануваме.

Свесни сме за состојбата во која што се наоѓаат студентските домови. Веднаш започнавме со следниот проект, а тоа е реновирање и реконструкција на зградите кои беа во најлоша состојба – зградите 1 и 2 во „Стив Наумов“.

Се грижиме и за дворните површини.

После повеќе од 40 години, скоро сите домови кои што се под наша јурисдикција, каде што се „Кузман Јосифовски – Питу“, „Гоце Делчев“, „Стив Наумов“ и „Невена Георгиева – Дуња“ почнуваат да ги уредуваме парковите со комплетна нова содржина.

Морам да напоменам дека целосно се отворивме кон студентите. Работиме со нив за сите овие работи да ги ставиме во друг правец.

Можеби работите не се менуваат со посакуваното темпо но најважно е што тие почнаа да се менуваат и имаме резултати. Продолжуваме и понатаму, бидејќи се што работиме работиме за студентите, изјави Николовски.

Околу појавата на Корона вирусот Николовски ги повика студентите будно да ја следат ситуацијата и да се придржуваат до препораките од надлежните институции.

Напишете коментар

Вашата адреса за е-пошта нема да биде објавена. Задолжителните полиња се означени со *

20 − seven =