Николовски: До септември пензиите значително ќе бидат зголемени со усогласувањето со платите

You must need to login..!

Опис

Генералот Илија Николовски, пратеник и претседател на Партијата на пензионерите, за Утрински брифинг вели дека мотивот за формирање на партијата е претходната власт која, како што вели ја разграбуваше државата.

-Пензионерите се голема група од 326 илјади луѓе, а Здруението на пензионери е најголема граѓанска организација. Голема грешка е што се дозволи миграција од руралните средини во урбаните средини. Со оглед на тоа што просечната старост на населението е над 40 години и се случува депопулација, ние ќе дојдеме во ситуација да нема кој да произведува храна, вели Николовски.

Тој смета дека мора да се направат услови за да нема одлив на луѓе од руралните средини затоа што поради тие неповолни услови на живот младите ги напуштија селата. Друг проблем, како што вели Николовски, е партизацијата, а младите не можат да се вработат ако не се членови на партија.

-Јас сум голем борец против партизација на полицијата, армијата и администрација. Овој проблем мора да се ублажи бидејќи не може да се искорени. Полицијата и армијата не може да се однесуваат зависно од тоа која партија е на власт, вели Николовски.

Во врска со правата на пензионерите Николовски вели дека е реално минималната пензијата да биде 70 отсто од минималната плата.

-Успеавме да го промениме моделот на пресметка на пензиите и сега имаме швајцарски модел. Во разговори со владата има расположение да се води социјален дијалог со пензионерите, вели Николовски.

Напишете коментар

Вашата адреса за е-пошта нема да биде објавена.

three − 2 =