Не може возрасните на забави без маски, а децата во училиште со маски

You must need to login..!

Опис

Трајче Петковски, иницијатор на движењето СТОП за носењето маски во училиштата денеска во Утрински брифинг ги повика институциите да одговорат на нивните барања, односно да одобрат второто полугодие да започне без заштитни маски.

  • Јас моето дете во четврток во училиште ќе го пуштам без маска, но не сум единствениот. Неформалната група која ја поддржува мојата иницијатива брои околу 12.000 членови, но не се само тие, има луѓе кои не се во групата а исто така сметаат дека учениците не треба да носат маски во училиште. Од досегашните излагања на еминентни доктори, како Пановски, Данаилов и Марковски, дознавме дека долготрајното носење маска носи сериозни импликации по нивното здравје, и предизвикува кардиоваскуларни, алерголошки, дерматолошки и психички последици. Веќе се појавуваат родители кои тврдат дека на нивните деца им се лоши поради маските, се гушат и не можат да дишат, вели Петковски.

Според него парадоксално е тоа што само децата носат маски, а останатите луѓе со сертификати за вакцина слободно се движат и влегуваат по угостителски и друг вид објекти без маска.

  • Нема никаков проблем да се групираат и по десет илјади луѓе на забава, а има проблем за триесетина деца во еден клас кои не одат на забави и ги почитуваат советите од родителите и од лекарите, посебно децата од пониските одделенија кои се послушни до таа мера што се покорни. Тезата е погрешно поставена, не може децата да бидат главните преносители на заразара, кога возрасните се тие кои што шетаат. Од тоа се доаѓа до заклучок дека децата ги трпат последиците кои ги создаваат возрасните, а тоа мора да престане, уверува Петковски.

Тој е сопственик на спортски танцов клуб, кој меѓу првите добил протоколи за работа кои не вклучуваат носење маски за време на човите, иако на танцовите часови има директен близок контакт помеѓу учениците.

  • И покрај тоа што на нашите часови има близок контакт помеѓу учениците, досега не сме имале кластер на заразени деца. Вистина е дека имало во изминатиов период неколку деца кои се позитивни, но вирусот не го добија од часовите, туку го донесоа од дома. Ние само бараме право на избор, ако има родители кои сакаат нивните деца да носат маски на часовите, нека носат, но да ни остават и нам да избереме неносење маски, ако сме убедени дека тоа нема да направиме штета. Нашата цел не е да го бојкотираме образованието, нагласи Петковски. Од почетокот на пандемијата 2.254 деца до деветгодишна возраст и 4.938 млади лица на возраст од 10 до 19 години заболеле од Ковид-19.

Напишете коментар

Вашата адреса за е-пошта нема да биде објавена. Задолжителните полиња се означени со *

three × two =