Неколкуте кризи ги изложија граѓаните на континуиран токсичен стрес

You must need to login..!

Опис

Декември месец во јавниот дискурс беше одбележан со терминот „криза“ – здравствена криза, економска криза, енергетска криза, политичка криза итн.

-Ментрално-здравствената криза исто така спаѓа тука. Кога човек е изложен на стрес и кога стресот е краткорочен, после тоа следува период на релаксација. Така и ние како популација влегуваме во состојба на стрес – краткотраен, стрес кога треба да се надмине некоја ситуација, но од почетокот на пандемијата поминаа две години на постојан стрес кој не се пројавува видливо. Станува збор за токсичен стрес на кој ако сме долго изложени се нарушува имунитетот, вели психологот проф.д-р Димитринка Јорданова Пешевска од Универзитетот Американ колеџ.

Таа додава дека постои и резилиентност на стресот, па така луето почнаа да се занимаваат со различни хобија за кои претходно не размислувале но им го намалува стресот.

Освен тоа, има професии кои се поизложени на стрес. Особено се изложени помладите вработени, додека оние повозрасните се веќе финансиски стабилни и се помалку изложени на стрес.

Финансиската нестабилност општо, креаторите на политики треба да ја имаат предвид како фактор кој влијае на токсичниот стрес и менталното здравје.

-Ние во науката не се занимаваме само со еден фактор оти еден фактор не може да биде пресуден. Да, тука е ковидот но тука се и здравиот животен стил, дали сме финансиски обезбедени, дали имаме покрив над главата… има многу фактори, а меѓу нив и здравиот животен стил општо влијае на менталното здравје. Социјално-емоционалната поврзаност е исто така многу важна, тоа е потреба за приврзување со која ние сме родени и е основа врз која си го градиме животот и го осознаваме. Во пандемијата и тоа е многу важно за пандемијата оти го загубивме тоа, влеговме во социјална изолација и имаме помалку комуникација па оваа примарна потреба е ставена во позадина, вели проф. Димитринка Јорданова Пешевска.

Таа додава дека постојат различни нивоа на резилиентност. Голем дел од луѓето кои биле изложени на различни трауматски искуства ги надминале и продолжиле со животот. Проф. Димитринка Јорданова Пешевска вели дека за справување со стресот многу важна е физичката активност која помага за намалување на анксиозноста, а и психотерапијата помага и не треба да се одбегнуваат советувалитата. Таа додава дека пандемија по ковид пандемијата ќе бидат проблеми на менталното здравје.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

four × four =